Nepal Life Insurance

प्रुडेन्सियल इन्स्योरेन्सले बोनस वितरण गर्ने

प्रकाशित मिति: ९ आश्विन २०७४, सोमबार १३:५१

Beema News

बीमा न्युज,
असोज ९, काठमाडौ । प्रुडेन्सियल इन्स्योरेन्स कम्पनीले आफ्नो शेयर धनीलाई २० प्रतिशत बोनस वितरण गर्ने भएको छ । सञ्चालक समितिको १७२ औं बैठकले सञ्चित नाफाबाट शेयरधनीलाई २० प्रतिशत बोनस दिने निर्णय गरेको हो ।

बीमा समितिबाट स्वीकृत भएर कम्पनीको १६ औं बार्षिक साधारणसभाबाट अनुमोदनपछि सेयरधनीलाई बोनस शेयर वितरण हुनेछ । बोनस वितरणपछि कम्पनीको चुक्त्ता पूँजी ५१ करोड ३२ लाख १६ हजार रूपैयाँ पुग्नेछ । हाल रहेको चुक्ता पूँजी ४२ करोड ७६ लाख ८० हजार रुपैयाँको २० प्रतिशतले हुन आउने आठ करोड ५५ लाख ३६ हजार रुपैयाँको बोनस वितरण गर्ने भएको हो । कम्पनीले बोनसमा लाग्ने कर प्रयोजनका लागि एक दशमलव ०५ प्रतिशत बराबरको ४५ लाख एक हजार ८९५ रुपैयाँ नगद लाभांश प्रस्ताव गरि बीमा समितिमा स्वीकृतिका लागि पेश गरिएको छ ।

 

इन्स्योरेन्स कम्पनीले १० बराबर ३ अनुपातमा १२ लाख ८३ हजार ४० कित्ता हकप्रद सेयर बिक्री गर्न बोर्डसँग अनुमति माग गरेको हो । हकप्रदपछि कम्पनीको पूँजी ६४ करोड १५ लाख २० हजार कायम हुनेछ । बीमा समितिको निर्देशन अनुरूप कम्पनीले २०७५ असार मसान्तमा एक अर्ब पूँजी कायम गर्नुपर्नेछ ।

 

इन्स्योरेन्सले गत आर्थिक वर्षमा १७ करोड १३ लाख १९ हजार रुपैंया खुद नाफा कमाएर प्रतिसेयर आम्दानी ४० रुपैयाँ ०६ पैसा कायम गरेको थियो ।

प्रुडेन्सियलको जगेडा कोषमा ३४ करोड ३२ लाख २५ हजार रुपैयाँ सञ्चित छ । बीमा कोषको आकार ४० करोड एक लाख ३२ हजार रुपैयाँ पुर्याएको इन्स्योरेन्सको सेयरमूल्य प्रतिकित्ता १४२३ रुपैयाँ रहेको छ ।

 

 

 

समाचार

सबै

पुनर्बीमा कम्पनीको चौथो साधारण सभा सम्पन्न

काठमाडौ । वीमा कम्पनीहरुको जोखिम न्यूनिकरणको लागि स्थापना भएको नेपाल पुनर्बीमा कम्पनीको चौथो बार्षिक सधारणसभा गत हालै सम्पन्न भएको छ । शुक्रबार ललितपुरको होटल हिमालयमा सम्पन्न भएको सधारणसभामा गत आर्थिक.....

नेपाल लाईफको नयाँ बीमा योजना, प्रत्येक वर्ष खर्च, अवधी पश्चात पुरै भुक्तानी

बीमा न्यूज/काठमाडौं । जीवन बीमा कम्पनीले नेपाल लाईफ इन्स्योरेन्स कम्पनीले नयाँ बीमा योजना बजारमा ल्याएको छ ।.....

एशियन लाइफको दुई लाख २१ हजार कित्ता हकप्रद लिलाममा

काठमाडौं । एशियन लाईफ इन्स्योरेन्स कम्पनी लिमिटेडले २ लाख २१ हजार कित्ता हकप्रद सेयर लिलाम बिक्रीका लागि.....

प्रभु इन्स्योरेन्समा बीमा गर्दा बि एण्ड सी अस्पतालमा नगदरहित उपचार पाइने

काठमाडौं । निर्जिवन बीमा कम्पनी प्रभु इन्स्योरेन्समा बीमा गरेका सेवाग्राहीहरुले अब पूर्वको चर्चित बी एण्ड सी.....

गण्डकी विकास बैंकबाट अजोड इन्स्योरेन्सबीच सम्झौता

काठमाडौं । ख बर्गको वित्तिय संस्था गण्डकी बिकास बैंक र निर्जिवन बीमा कम्पनी अजोड इन्स्योरेन्सबीच बीमा सेवा.....