Nepal Life Insurance

बीमा कम्पनीहरुले जनचेतनाको लागि २५ प्रतिशत रकम खर्च गर्नुपर्ने

प्रकाशित मिति: १५ कार्तिक २०७४, बुधबार १३:४५

Beema News

बीमा न्युज,
काठमाडौं । बीमा सम्बन्धी जनचेतना बढाउन निर्जीवन बीमा कम्पनीहरूले पनि निश्चित रकम खर्च गर्नुपर्ने भएको छ । बीमा सम्बन्धी जनचेतनाको पहुँच कमजोर भएकोले बीमाको कभरेज र पेनिट्रशन कमजोर भएको आरोप खेपिरहेको बीमा कम्पनीहरूले अब न्यूनतम २५ प्रतिशत रकम खर्च गर्नुपर्ने भएको हो । बीमा समितिले सीमा नै तोकेर खर्च गर्न निर्देशन दिएको हो ।

समितिको निर्देशनअनुसार कम्पनीहरूले व्यवस्थापन खर्चअन्तर्गत विज्ञापन तथा प्रचारप्रसारमा न्यूनतम २५ प्रतिशत रकम खर्च गर्नुपर्नेछ । यो प्रावधान कात्तिक महिनादेखि नै लागू हुने बीमा समितिले जनाएको छ ।


निर्जीवन बीमा कम्पनीहरूले व्यवस्थापन खर्चअन्तर्गत अतिथि सत्कार, व्यापार प्रवद्र्धन, विज्ञापन तथा प्रचारप्रसार र अभिकर्तालगायतका शीर्षकमा खर्च गर्न पाउने व्यवस्था छ । समितिको प्रावधानअनुसार उक्त शीर्षकमा कम्पनीहरूले आफ्नो खुद बीमाशुल्कको १.५ प्रतिशत रकम खर्च गर्न पाउँछन् । सोही रकमलाई शतप्रतिशत मानी अबदेखि कम्पनीहरूले विज्ञापन तथा प्रचारप्रसारमा २५ प्रतिशत रकम खर्च गर्नुपर्ने समितिका अध्यक्ष चिरञ्जीवी चापागाईंले बताउनुभयो । “कम्पनीहरूले अन्य शीर्षकमा जे जति खर्च गरे पनि विज्ञापनका लागी कम्तिमा २५ प्रतिशत खर्च गर्नुपर्नेछ, अधिकतम जति पनि खर्च गर्न पाउँछन्,” उहाँले भन्नुभयो ।

 

सबै कम्पनीहरूमा एकरूपता ल्याउन र जनचेतना बढाउने कार्यमा सहभागी गराउन हामीले सबै बीमकहरूसँग बसेर छलफल गर्यौ , उहाँहरूले पनि यसलाई स्वीकार गर्नुभयो,” उहाँले भन्नुभयो । बीमासम्बन्धी चेतना बढाउने कार्यमा समिति आफै पनि सक्रिय छ । कम्पनीहरूले पनि प्रचारप्रसार गर्ने कार्यमा योगदान दिए भने बृहत रूपमा जनचेतना बढाउन सकिने समितिले जनाएको छ ।

 

प्रचारप्रसारको महत्व

कुनैपनि कम्पनी, संघ सस्थाको सेवालाई आम जनमानस सम्म पु¥याने माध्यम भनेको विज्ञापन वा जनचेतनाका कार्यक्रमहरु हुन । यस्ता कार्यक्रमहरुले सार्वसाधारणहरुलाई सचेत वनाउनुका साथै बस्तु तथा सेवा उपभोग गर्न बाध्य बनाउछन् ।


नेपाल विज्ञापन संघका अध्यक्षका सन्तोष श्रेष्ठका अनुसार विज्ञापनको माध्यमवाट उपभोक्ता वा सर्वसाधारणहरुलाई अवायरनेस टु एक्सन अर्थात जनचेतना फैलाएर सेवा वा बस्तु खरिद गर्न सकिने वातवरण बन्छ । AIDA( Advertisement, Interest, Desire, Action ) को माध्यमवाट वास्तविक उपभोक्ता वा सेवाग्रहि सम्म पुग्न सकिने अध्यक्ष श्रेष्ठ बताउनुभयो ।

आजको आधुनिक युगमा प्रतिस्पर्धा गर्दै अगाडी बढन सबै क्षेत्रहरुलाई प्रचार प्रसार तथा विज्ञापनको अति नै महत्व हुन्छ । विज्ञापन तथा जनचेतनाका कार्यक्रमहरुवाट नै आफ्नो व्यवसायलाई अगाडी बढाउन सकिन्छ ।

बीमा समितिले दिएको निर्देशनले पक्कैपनि बीमा क्षेत्रको कभरेज र पेनिट्रेशन बृद्धिमा सहयोग पुग्नेछ । आम सर्वसाधारणमा बीमा सम्बन्धि जनचेतना फैल्याउन समेत सहयोग पुग्छ ।

 

 

 

समाचार

सबै

पुनर्बीमा कम्पनीको चौथो साधारण सभा सम्पन्न

काठमाडौ । वीमा कम्पनीहरुको जोखिम न्यूनिकरणको लागि स्थापना भएको नेपाल पुनर्बीमा कम्पनीको चौथो बार्षिक सधारणसभा गत हालै सम्पन्न भएको छ । शुक्रबार ललितपुरको होटल हिमालयमा सम्पन्न भएको सधारणसभामा गत आर्थिक.....

नेपाल लाईफको नयाँ बीमा योजना, प्रत्येक वर्ष खर्च, अवधी पश्चात पुरै भुक्तानी

बीमा न्यूज/काठमाडौं । जीवन बीमा कम्पनीले नेपाल लाईफ इन्स्योरेन्स कम्पनीले नयाँ बीमा योजना बजारमा ल्याएको छ ।.....

एशियन लाइफको दुई लाख २१ हजार कित्ता हकप्रद लिलाममा

काठमाडौं । एशियन लाईफ इन्स्योरेन्स कम्पनी लिमिटेडले २ लाख २१ हजार कित्ता हकप्रद सेयर लिलाम बिक्रीका लागि.....

प्रभु इन्स्योरेन्समा बीमा गर्दा बि एण्ड सी अस्पतालमा नगदरहित उपचार पाइने

काठमाडौं । निर्जिवन बीमा कम्पनी प्रभु इन्स्योरेन्समा बीमा गरेका सेवाग्राहीहरुले अब पूर्वको चर्चित बी एण्ड सी.....

गण्डकी विकास बैंकबाट अजोड इन्स्योरेन्सबीच सम्झौता

काठमाडौं । ख बर्गको वित्तिय संस्था गण्डकी बिकास बैंक र निर्जिवन बीमा कम्पनी अजोड इन्स्योरेन्सबीच बीमा सेवा.....