Nepal Life Insurance

७० गाई, डेढ करोड लगानी, बीमा गरेर ढुक्क ठाकुर आचार्य

प्रकाशित मिति: १८ माघ २०७५, शुक्रबार १९:१५

Nabaraj Neupane

पोखरा ।
गाई फार्ममा ७० वटा गाई छन्, हालसम्म डेढ करोडभन्दा बढि लगानी भइसकेको छ । सबै गाईको पशु बीमा गरेका कारण कृषक ठाकुर आचार्य ढुक्कसँग पशुपालन गर्दै आएका छन् ।

पोखरा महानगरपालिका–३३ भरतपोखरी बाघमाराका ठाकुर आचार्यले घरबारीमा लगाएको तरकारी खान आउने छाडा गाई समातेर गाईपालन शुरु गरेर अहिलेको अवस्थामा पुर्याएको बताउँछन् । शून्य लागतबाट सुरु गरेको व्यवसाय यति ठूलो बनिसक्दा समेत उनी बीमा गरेका कारण निश्चिन्त देखिन्छन् ।

पोखराको भरतपोखरीमा सञ्चालित गोठमा गाईका साथै एक भैँसी, तीन पाडा, एक बहर र एक राँगो पनि छन् ।
२०६७ सालमा सहकारीबाटै रु ५० हजार ऋण र आफूले १२ हजार थपी बागमाराबाटै दोस्रो गाई थप्नुभएका उहाँको आचार्य गाई फार्ममा अहिलेसम्म झण्डै रु डेढ करोड लगानी भइसकेको बताउँछन् । लगानी बृद्धिसँगै चारखुट्टे पशुधनप्रति बीमा गरेका कारण ढुक्का भएर व्यवसाय गरिरहेको आचार्य बताउँछन् ।

फार्मबाट दैनिक २६० लिटर दूधका साथै तरकारी पनि बिक्री हुने गरेको छ । दूध प्रतिलिटर रु ६० मा बिक्री हुन्छ । फार्ममा पालिएका राँगो तथा बहर पनि उहाँको आम्दानीको स्रोत हो । राँगो तथा बहरबाट प्रति प्रजनन रु एक÷एक हजार लिने गरेको उहाँले जानकारी दिनुभयो । गाईपालनमा समस्या नआओस् भन्दै उहाँले प्रत्येक गाईको रु एक÷एक लाखका दरले पशु बीमासमेत गर्नुभएको छ । बीमा गरेपछि उनलाई जोखिम बहनको तनाव हटेको र ढुक्क भएर काम गर्न सहज भएको बताउनुहुन्छ ।

उहाँको फार्ममा यतिखेर छ जनाले प्रत्यक्ष अप्रत्यक्ष गरी १० जनाले रोजगारी पाएका छन् । व्यावसायिक कृषिमा राम्रो सम्भावना रहेको बताउँदै उहाँले देशमा नै स्वरोजगार सिर्जना गर्न युवालाई यसतर्फ आकर्षण गर्ने वातावरण निर्माण गर्नुपर्ने बताउनुभयो ।

 

 

 

समाचार

सबै

पुनर्बीमा कम्पनीको चौथो साधारण सभा सम्पन्न

काठमाडौ । वीमा कम्पनीहरुको जोखिम न्यूनिकरणको लागि स्थापना भएको नेपाल पुनर्बीमा कम्पनीको चौथो बार्षिक सधारणसभा गत हालै सम्पन्न भएको छ । शुक्रबार ललितपुरको होटल हिमालयमा सम्पन्न भएको सधारणसभामा गत आर्थिक.....

नेपाल लाईफको नयाँ बीमा योजना, प्रत्येक वर्ष खर्च, अवधी पश्चात पुरै भुक्तानी

बीमा न्यूज/काठमाडौं । जीवन बीमा कम्पनीले नेपाल लाईफ इन्स्योरेन्स कम्पनीले नयाँ बीमा योजना बजारमा ल्याएको छ ।.....

एशियन लाइफको दुई लाख २१ हजार कित्ता हकप्रद लिलाममा

काठमाडौं । एशियन लाईफ इन्स्योरेन्स कम्पनी लिमिटेडले २ लाख २१ हजार कित्ता हकप्रद सेयर लिलाम बिक्रीका लागि.....

प्रभु इन्स्योरेन्समा बीमा गर्दा बि एण्ड सी अस्पतालमा नगदरहित उपचार पाइने

काठमाडौं । निर्जिवन बीमा कम्पनी प्रभु इन्स्योरेन्समा बीमा गरेका सेवाग्राहीहरुले अब पूर्वको चर्चित बी एण्ड सी.....

गण्डकी विकास बैंकबाट अजोड इन्स्योरेन्सबीच सम्झौता

काठमाडौं । ख बर्गको वित्तिय संस्था गण्डकी बिकास बैंक र निर्जिवन बीमा कम्पनी अजोड इन्स्योरेन्सबीच बीमा सेवा.....