Nepal Life Insurance

काठमाडौं उपत्यकाको चारैतिर हिमपात, बुढानिलकण्ठ र गोदावरीमै हिऊ देखियो

प्रकाशित मिति: २६ माघ २०७५, शनिबार ०९:५४

Nabaraj Neupane

१३६ पटक पढिएको

बीमा न्यूज/ काठमाडौं ।
दुई तीन दिनदेखि लगातार परिरहेको पानीपछि शनिबार काठमाडौं उपत्यका चारैतिर पहाडमा हिऊ परेको छ । शनिवार विहानै काठमाडौंको चन्द्रगिरी, शिवपुरी, ललितपुरको पुल्चोकी लगायतका पहाडमा हिऊ परेको छ ।

ललितपुरको कालेश्वरमा समेत हिऊ परेको स्थानीयबासीले बताएका छन् । त्यस्तै ललितपुरको तिनपाने भन्ज्याङ आसपासका डाँडामा समेत हिऊ देखिएको ललितपुर चापागाऊका सुजन घिमिरेले बताए ।

पुल्चोकीमा कम्तीमा तीन फिट हिऊ परेको बताइएको छ । यस पटक हिऊ निकै तलसम्म आएको छ । पुल्चोकीको हिऊ गोदावरीसम्म आईपुगेको एक स्थानीयबासीले बीमा न्यूजलाई बताए । त्यस्तै बुढानिलकण्ठमाथि समेत हिउ परेको छ । शिवपुरी पहाडको फेदमा बस्तीसम्म हिऊ आईपुगेको स्थानीय सानुकाजी श्रेष्ठले बताए ।

त्यस्तै काठमाडौंको चन्द्रगिरीमा भारी हिमपात भएको छ । त्यहाँ करिब चार फिट हिऊ जमेको अनुमान गरिएको छ । स्थानीय सरु खत्रीका अनुसार चन्द्रगिरीको फेदसम्म हिऊ परेको छ ।

काठमाडौंको चारैतिर हिमपात भएपछि शनिबारको छुट्टीमा बसेकाहरु हिऊसँग रमाउन त्यसतर्फ भिड बढ्ने देखिएको छ ।

त्यस्तै काठमाडौंको शिवपुरी, सुन्दरीजलमाथिको डाँडामा समेत हिऊ परेको छ । माघको तेस्रो सातापछि काठमाडौंमा विरलै हिउपात हुने गर्दछ । झण्डै १० वर्ष पहिले भक्तपुर बजार क्षेत्रसम्मै हिउ परेको थियो ।

मुलुकका अन्य पहाडी तथा हिमाली क्षेत्रमा समेत भारी हिमपात भएको छ । हिमपातसँगै बीमा क्षेत्रमा समेत जोखिम बढेको छ ।

 

 

 

समाचार

सबै

बीमा कम्पनीको संख्या दोब्बर हुँदा पनि मुनाफाको आकार बढ्यो

मुनाफको आधारमा नेपाल लाईफ पहिलो, शिखर इन्स्योरेन्स दोस्रो स्थानमा काठमाडौं । चालु आर्थिक वर्षको पहिलो छ महिना समग्र बीमा क्षेत्रको लागि खुशीको खवर छ । बीमाको पहुँच आम समुदायसँग उल्लेख्य मात्रामा बृद्धि.....

सन नेपाल र कञ्चन डेभलपमेन्ट बैँकबीच बैँकास्योरेन्स सम्झौता

काठमाडौँ । कञ्चन डेभलपमेन्ट बैंकबाट सन नेपाल लाइफको बीमा सुविधा पाइने भएको छ । सन नेपाल लाईफ इन्स्योरेन्स र.....

लुम्बिनी जनरल इन्स्योरेन्स र सहकारी बैंकबीच सम्झौता

काठमाडौं । लुम्बिनी जनरल इन्स्योरेन्स कम्पनी र राष्ट्रिय सहकारी बैंकबीच बीमा सेवा आदान प्रदान गर्ने सम्बन्धमा.....

नेपाल इन्स्योरेन्स कम्पनीको हकप्रद फागुन २१ देखि

काठमाडौं । निर्जिवन बीमा कम्पनी नेपाल इन्स्योरेन्स कम्पनीमा हकप्रद सेयरमा लगानी गर्न इच्छुक लगानीकर्ताहरुले.....

खेलाडीको बीमा गरेर मुवा थाई प्रतियोगिता

काठमाडौं । खेलकूद प्रतियोगिताको क्रममा खेलाडीहरु घाइते हुनसक्ने र सम्भावित उपचार खर्च बापतको रकमको जोखिम बीमा.....