Nepal Life Insurance

महालक्ष्मी लाईफको कारोबार सुरु, पहिलो दिनमै उत्साहप्रद पोलिसी बिक्री

प्रकाशित मिति: २७ माघ २०७५, आईतवार १९:४१

Nabaraj Neupane

७९० पटक पढिएको

बीमान्यूज/काठमाडौं ।
जीवन बीमा क्षेत्रमा १९ औं कम्पनीको रुपमा प्रवेश गरेको महालक्ष्मी लाईफ इन्स्योरेन्सले आजबाट औपचारिक रुपमा कारोबार सुरु गरेको छ ।

महालक्ष्मी लाईफको नक्सालस्थित काठमाडौं शाखा कार्यालयबाट पोलिसी काट्ने काम सुरु गरिएको सो बीमा कम्पनीले जनाएको छ । आइतबार काठमाडौंसहित बीरगन्ज, पोखरा, बुटवल, लाहानलगायतका शाखा कार्यालयमार्फत जीवन बीमा पोलिसी बिक्री गरिएको महालक्ष्मी इन्स्योरेन्स कम्पनीका डेपुटी कार्यकारी निर्देशक रामेश्वर श्रेष्ठले बीमान्यूजलाई जानकारी दिए ।

श्रेष्ठका अनुसार महालक्ष्मी इन्स्योरेन्समा सर्वसधारणले निकै चासोपूर्वक बीमा पोखिसी खरिद गरेको र पहिलो दिनको कारोबारबाट आफूहरु उत्साहित बनेको समेत बताए ।

त्यसो त, शनिबार काठमाडौंमा आयोजना गरिएको एजेन्सी भेला अत्यन्तै उत्साहप्रद रुपमा सम्पन्न भएको कम्पनीले जनाएका छन् । सो कम्पनीका अनुसार शनिबार काठमाडौंका चारै भन्ज्याङहरुमा हिमपातका बीचमा सयौं एजेन्सीमा आबद्ध भएकाहरु उपस्थित भएका थिए ।
आइतबार नै औपचारिक कार्यक्रम गरी प्रधान कार्यालय समेत उद्घाटन गर्ने तयारी गरिएको भएपनि कमलपोखरीस्थित केन्द्रीय कार्यालयको सरसफाई तथा अन्य शाखा कार्यालयहरुको कामको चापको कारण छिट्टै औपचारिक कार्यक्रम गरी औपचारिक उद्घाटन गर्ने महालक्ष्मी लाईफले जनाएको छ ।

आइतबार नक्सालस्थित कार्यालयका कर्मचारीहरु बीमा पोलिसी काट्न निकै व्यस्त बनेबाटै महालक्ष्मी लाईफ इन्स्योरेन्स कम्पनीले जीवन बीमा बजारका प्रतिस्पर्धी कम्पनीहरुलाई कडा चुनौति दिने अनुमान गरिएको छ ।

 

 

 

समाचार

सबै

बीमा कम्पनीको संख्या दोब्बर हुँदा पनि मुनाफाको आकार बढ्यो

मुनाफको आधारमा नेपाल लाईफ पहिलो, शिखर इन्स्योरेन्स दोस्रो स्थानमा काठमाडौं । चालु आर्थिक वर्षको पहिलो छ महिना समग्र बीमा क्षेत्रको लागि खुशीको खवर छ । बीमाको पहुँच आम समुदायसँग उल्लेख्य मात्रामा बृद्धि.....

सन नेपाल र कञ्चन डेभलपमेन्ट बैँकबीच बैँकास्योरेन्स सम्झौता

काठमाडौँ । कञ्चन डेभलपमेन्ट बैंकबाट सन नेपाल लाइफको बीमा सुविधा पाइने भएको छ । सन नेपाल लाईफ इन्स्योरेन्स र.....

लुम्बिनी जनरल इन्स्योरेन्स र सहकारी बैंकबीच सम्झौता

काठमाडौं । लुम्बिनी जनरल इन्स्योरेन्स कम्पनी र राष्ट्रिय सहकारी बैंकबीच बीमा सेवा आदान प्रदान गर्ने सम्बन्धमा.....

नेपाल इन्स्योरेन्स कम्पनीको हकप्रद फागुन २१ देखि

काठमाडौं । निर्जिवन बीमा कम्पनी नेपाल इन्स्योरेन्स कम्पनीमा हकप्रद सेयरमा लगानी गर्न इच्छुक लगानीकर्ताहरुले.....

खेलाडीको बीमा गरेर मुवा थाई प्रतियोगिता

काठमाडौं । खेलकूद प्रतियोगिताको क्रममा खेलाडीहरु घाइते हुनसक्ने र सम्भावित उपचार खर्च बापतको रकमको जोखिम बीमा.....