Nepal Life Insurance

दैनिक ३०० पोलिसी, डेढ अर्बको कारोबार लक्ष्यमा लम्कदै आईएमई जनरल इन्स्योरेन्स

प्रकाशित मिति: २२ फाल्गुन २०७५, बुधबार ११:५१

Nabaraj Neupane

बीमा न्यूज/काठमाडौं ।
निर्जिवन बीमा बजारमा निकै लामो समयदेखि आफ्नो छुट्टै पहिचान बनाउन सफल आईएमई जनरल इन्स्योरेन्स कम्पनी दैनिक औसतमा तीन सय बीमा पोलिसी बिक्री गर्न सफल भएको छ । कम्पनीले बार्षिक डेढ अर्ब कारोबार गर्ने लक्ष्य प्राप्तिको लागि सो मात्रामा बिमा पोलिसी बिक्री गरेर चालु आबको लक्ष्य भेट्टाउने विश्वासको साथ व्यवस्थापन टिम सक्रिय छ । कूल ५४ करोड चुक्ता पुँजि भएको सो बीमा कम्पनीले एक अर्ब चुक्ता पुँजि पुर्याउन सक्रिय छ ।

आईएमई ग्रुुपले पुरानो एनबी इन्स्योरेन्सको संस्थापक शेयर लिएर नाम परिवर्तन गरी आईएमई जनरल इन्स्योरेन्स बनाएको हो । २०५७ सालमा स्थापना भई कारोबार गर्दै आएको सो बीमा कम्पनीले चालु आर्थिक वर्षको लागि डेढ अर्ब रुपैयाँ कारोबार गर्ने लक्ष्य निर्धारण गरेर सोही लक्ष्य भेट्टाउन क्रियाशील रहेको कम्पनीका डेपुटी सिईओ पवन थापा बताउँछन् ।

देशका विभिन्न स्थानमा रहेका ३४ वटा शाखा कार्यालयमार्फत बीमा कारोबार गर्दै आएको सो कम्पनीले मासिक आठ करोडदेखि १२ करोडसम्म कारोबार गर्दै आएको छ । कम्पनीको मुख्य सिजन सुरु हुन थालेकाले अबको छ महिनामा यसअघिको तुलनामा राम्रो प्रतिफल पाउने विश्वास लिएको डेपुटी सिईओ थापाको भनाई छ । बीमा न्यूजसँगको कुराकानीको क्रममा उनले भने, ‘बार्षिक कारोबार लक्ष्य डेढ अर्ब राखेका छौं, मासिक आठ देखि १२ करोड कारोबार औसतमा दैनिक तीन सय वटा बीमा पोलिसी बिक्री गरेर आम्दानी गरिहेका छौं ।’ थापाका अनुसार कारोबार लक्ष्य भेट्टाउन आफूहरु सफल हुनेमा व्यवस्थापन टिम ढुक्क छ । सो बीमा कम्पनीले स्वास्थ्य सम्बन्धी नयाँ योजना लिएर आउने सोच समेत बनाएको छ । सो सम्बन्धमा चाँडै बजारमा आउने थापाले बताए ।

आईएमई जनरल इन्स्योरेन्स कम्पनीले पछिल्लो पटक स्थानीय निकायसँग सहकार्य गर्दै काम गर्न थालेको छ । डेपुटी सिईओ थापाका अनुसार धादिङ जिल्लाका निलकण्ठ नगरपालिका र सर्लाही जिल्लाको हरिवनमा स्थानीय निकायसँग गरिएको सहकार्यले स्थानीयबासी र कम्पनी दुवैलाई राम्रो फाइदा दिएको छ । स्थानीयबासी, सर्वसधारणलाई एकै थलोमा सबै प्रकारको बीमा सुविधा दिने गरी भइरहेको सहकार्य नेपालको सन्दर्भमा बीमा कम्पनी र स्थानीय सरकारका बीचमा भएको नयाँ अभ्यास भएको थापा बताउँछन् ।

त्यसो त, आईएमई जनरल इन्स्योरेन्सले सोलुखुम्बु, ओखलढुङ्गा, महोत्तरी र धनुषा जिल्लामा विशेष अभियान सञ्चालन गर्ने दायित्व समेत थपिएको र सो क्षेत्रमा अभियानहरु सञ्चालन भइरहेको डेपुटी सिइओ थापा बताउँछन् ।

कृषि, पशु, सम्पत्ति, मेडिकल, हवाई, मोटर, ट्रान्जिट, तेस्रो पक्ष, दुर्घट्नालगायतका सबै प्रकारका बीमा गर्दै आएको आइएमई जनरल इन्स्योरेन्स कम्पनीको मेडिकल बीमा सबैभन्दा उत्कृष्ट मानिन्छ ।

 

 

 

समाचार

सबै

कावासोतीमा आँधीहुरीको बितण्डा, बीमा दावी लगभग नपर्ने !

बीमा न्यूज/काठमाडौं । गएराति भिषणा आँधीबहेरीको चपेटामा परेको पूर्वी नवलपरासीबाट बीमा दावी पर्ने सम्भावना लगभग नरहेको स्थानीय जनप्रतिनिधिले बीमा न्यूजलाई जानकारी दिएका छन् । झण्डै दुई महिनाअघि बारा.....

सानिमा लाईफ इन्स्योरेन्सको नयाँ शाखा जुम्लामा

काठमाडौं । निजि क्षेत्रको बीमा कम्पनी सानिमा लाईफ इन्स्योरेन्स कम्पनीको ४४ औँ शाखा कर्णालीको जुम्लामा विस्तार.....

नीति तथा कार्यक्रममा समेटियो स्वास्थ्य बीमा

काठमाडौ । राष्ट्रपति विद्या भण्डारीमार्फत हिजो संसदमा पेश गरिएको सरकारको नीति तथा कार्यक्रममा स्वास्थ्य बीमा.....

महालक्ष्मी लाइफ इन्स्योरेन्सको कारोबार अब सिटिजन्स बैंकबाटै

काठमाडौं । जीवन बीमा कम्पनी महालक्ष्मी लाईफ इन्स्योरेन्स कम्पनीको बीमा सम्बन्धी कारोबार अब सिटिजन्स.....

लुक्लाको हवाई दुर्घटना भिडियोमा यस्तो देखियो

काठमाडौं । एक अर्बभन्दा बढि क्षति हुने गरी आज भएको हवाई दुर्घटनाको भिडियो दि हिमालयन न्यूजले सार्वजनिक गरेको छ ।.....