Nepal Life Insurance

ताप्लेजुङमा दुर्घटना भएको हेलिकोप्टरको बीमा २७ करोड २४ लाख

प्रकाशित मिति: २९ फाल्गुन २०७५, बुधबार १४:५४

Nabaraj Neupane

बीमा न्यूज/काठमाडौं ।

गत फागुन १५ गते ताप्लेजुङमा एयर डाईनेष्टीको हेलिकोप्टर दुर्घटनामा पर्दा मुलुकका विकासका योजनाकार तथा संस्कृति पर्यटन तथा नागरिक उड्डयन मन्त्री रविन्द्र अधिकारी सहित सात जनाको निधन भयो । उक्त हवाई दुर्घटनापछि शोकमा परेको मुलुक विस्तारै रफ्तार लिन थालेपनि पोखरामा अझै मन्त्री अधिकारीको निधनमा शोकमै रहेको भान हुन्छ । १३ औं दिनको पुण्य तिथिमा दुई दिन अघि शोक मनाएको पोखरामा त्यहाँ बनिरहेको नयाँ विमानस्थलको नाम समेत उहाँकै नाममा राखिनुपर्ने तर्क अघि सारेको छ ।

मन्त्री अधिकारीसँगै अर्का पर्यटन क्षेत्रका हस्ती यति एयरलाइन्स तथा हिमालय एयरलाइन्स अनि एयर डाईनेष्टीका मालिक आङछिरिङसहित सात जनाको निधन भएको थियो ।

उक्त दुःखदायी घट्नापछि बीमा दावी प्रक्रिया सुरु गरिएको छ । यद्यपि एयर डाईनेष्टिले बीमा गर्ने कम्पनी आईएमई जनरल इन्स्योरेन्समा भने पेश गरिसकेको छैन । आईएमई जनरल इन्स्योरेन्सका डेपुटी सिईओ पवन थापाले बीमान्यूजलाई दिएको जानकारी अनुसार एयर डाईनेष्टिले आईएमई जनरल इन्स्योरेन्समा दावी पेश गरेपछि आईएमई जनरल इन्स्योरेन्सले पुनः पुनर्बिमा कम्पनीमा दावी पेश गर्नेछ, पुनर्बिमा कम्पनीले भुक्तानी दिएपछि एयर डाईनेष्टिलाई हस्तान्तरण गरिने छ ।

बीमा न्यूजलाई प्राप्त तथ्याङ्कमा एयरबस कम्पनीद्वारा निर्मित एएस–३५० मोडलको हेलिकोप्टरको खरिद मूल्य २२ लाख डलर बीमा गरिएको थियो । हाल उक्त हेलिकोप्टरको मूल्य करिब २६ लाख डलर पुगिसकेको छ । खरिद गर्दा प्राप्त बिलको आधारमा बीमा गरिने लगायत एभिएशनको आफ्नै अन्तर्राष्ट्रिय स्टाण्डर्ड अनुसार बीमा गरिएको आईएमई जनरल इन्स्योरेन्सका डेपुटी सिईओ थापाले बीमा न्यूजलाई बताए ।

त्यस्तै एयर डाईनेष्टीले प्रतियात्रु २० हजार अमेरिकी डलरका दरले दुर्घटना बीमा गरिएको थियो । सो आधारमा छ जना यात्रुको बीमा दावी एक लाख २० हजार डलर हुन आउँछ । त्यस्तै पाईलट एक जनाको एक लाख डलर बीमा गरिएको छ । उक्त आधारमा ताप्लेजुङ हेलिकोप्टर दुर्घटनाको कूल बीमा दावी २४ लाख २० हजार डलर पर्नेछ । अमेरिकी डलरको आजको मूल्य ११३ का दरले हिसाब गर्दा कूल २७ करोड २४ लाख ६० हजार रुपैयाँ बीमा दावी पर्ने देखिएको छ ।

आईएमई जनरल इन्स्योरेन्स कम्पनीले करिब शतप्रतिशत नै बीमा दावी विदेशी पुनर्बिमा कम्पनीमा गरिएको कारण सो कम्पनीले बीमा दावी रकम अत्यन्तै न्यून मात्रै व्यहोर्नुपर्नेछ । यद्यपि अत्यन्तै थोरै प्रतिशत व्यवहोर्दा पनि २७ करोड रुपैयाँको बीमा दावी भुक्तानी गर्दा करिब एक करोड हाराहारी नेपाली कम्पनीले व्यवहोर्नुपर्ने देखिन्छ ।

बीमा अनुसार निधन भएका व्यक्तिका परिवारले २६ लाख पाउनेछन् भने पाइलटका परिवारले एक करोड १३ लाख रुपैयाँ पाउनेछन् । त्यस्तै हेलिकोप्टर कम्पनीले २४ करोड ८६ लाख रुपैयाँ पाउनेछन् ।

 

 

 

समाचार

सबै

पुनर्बीमा कम्पनीको चौथो साधारण सभा सम्पन्न

काठमाडौ । वीमा कम्पनीहरुको जोखिम न्यूनिकरणको लागि स्थापना भएको नेपाल पुनर्बीमा कम्पनीको चौथो बार्षिक सधारणसभा गत हालै सम्पन्न भएको छ । शुक्रबार ललितपुरको होटल हिमालयमा सम्पन्न भएको सधारणसभामा गत आर्थिक.....

नेपाल लाईफको नयाँ बीमा योजना, प्रत्येक वर्ष खर्च, अवधी पश्चात पुरै भुक्तानी

बीमा न्यूज/काठमाडौं । जीवन बीमा कम्पनीले नेपाल लाईफ इन्स्योरेन्स कम्पनीले नयाँ बीमा योजना बजारमा ल्याएको छ ।.....

एशियन लाइफको दुई लाख २१ हजार कित्ता हकप्रद लिलाममा

काठमाडौं । एशियन लाईफ इन्स्योरेन्स कम्पनी लिमिटेडले २ लाख २१ हजार कित्ता हकप्रद सेयर लिलाम बिक्रीका लागि.....

प्रभु इन्स्योरेन्समा बीमा गर्दा बि एण्ड सी अस्पतालमा नगदरहित उपचार पाइने

काठमाडौं । निर्जिवन बीमा कम्पनी प्रभु इन्स्योरेन्समा बीमा गरेका सेवाग्राहीहरुले अब पूर्वको चर्चित बी एण्ड सी.....

गण्डकी विकास बैंकबाट अजोड इन्स्योरेन्सबीच सम्झौता

काठमाडौं । ख बर्गको वित्तिय संस्था गण्डकी बिकास बैंक र निर्जिवन बीमा कम्पनी अजोड इन्स्योरेन्सबीच बीमा सेवा.....