Nepal Life Insurance

बीमा कम्पनीको अधिक सेयर कारोबार हुँदा उपसमुहमा यस्तो देखियो गिरावटको दृष्य

प्रकाशित मिति: १२ श्रावण २०७४, बिहीबार १०:५८

सागर चन्द

बीमा न्युज, काठमाडौं÷ बिहिबार सेयर बजारमा बीमा कम्पनीहरुको सेयर मूल्य तिब्र गतिमा तल झरेको छ । कारोबार भएका सबै बीमा कम्पनीको सेयर मूल्यमा आएको उच्च गिरावटले बीमा समुहमा सबैभन्दा धेरै गिरावट आएको छ । विगत केही दिनदेखि उछाल देखिएको बीमा समुह अचानक रिभर्स हुँदा यसै समुहको अधिक सेयर किनबेच भएको छ ।


बिहिबार बजार खुलेदेखि नै ओरालो लागेको बीमा समुह बजार बन्द हुँदा १ सय ६० दशमलव ५३ अंकको गिरावटमा बन्द भएको छ । सुचक १.६३ प्रतिशतले घटेको हो । ९ हजार ६ सय ७५ दशमलव ९३ अंकमा ओर्लिएको बीमा समुहमा मात्र ५३ करोड ५४ लाख ३६ हजार रुपैँयाको सेयर कारोबार भएको छ । बिहिबार कुल एक अर्ब १५ करोड आठ लाख २० हजार रुपैंयाको सेयर किनबेच भएकोमा बीमा समुहले त्यसको ४६.५२ प्रतिशत हिस्सा ओगटेको हो ।


बीमा सुचकमा आएको गिरावटका बावजुद पनि धेरै कारोबार गर्ने १० वटा कम्पनीको सूचिमा आठ बीमा कम्पनी रहेका छन् । पाँच करोड ८५ लाख नौ हजार रुपैंयाको सेयर कारोबार भएर प्रभु इन्स्योरेन्स सूचीको पहिलो स्थानमा बसेको छ । प्रभु इन्स्योरेन्सलाई कारोबार रकमका आधारमा पाँच करोड १४ लाख रुपैंयाको कारोबार गरी प्राइम लाइफ इन्स्यारेन्सले पछ्याएको छ । त्यसै गरी सगरमाथा इन्स्योरेन्स, नेपाल लाइफ इन्स्योरेन्स, नेपाल इन्स्योरेन्स, सिद्धार्थ इन्स्योरेन्स लगायत अन्य दुई विकास बैंकहरुको अधिक सेयर किनबेच भएको छ ।
कारोबार भएको सेयर संख्याका आधारमा प्रभु इन्स्योेरेन्स चौथो स्थानमा रहँदा कारोबार संख्याका आधारमा नेपाल लाईफ इन्स्योरेन्स पहिलो स्थानमा छ । कारोबार संख्याका आधारमा नेपाल लाइफलाई प्रभू इन्स्योेरेन्स, सगरमाथा इन्स्योरेन्स, गुराँस लाइफ इन्स्योरेन्स लगायतले पछ्याएका छन् ।
बिहिबार बीमा उपसमुहमा आएको गिरावटले अधिक सेयर मूल्य घट्ने शिर्ष १० कम्पनीको सूचीमा ७ वटा बीमा कम्पनीको दबदवा रहेको छ । जसमा राष्ट्रिय बीमा कम्पनीको सेयर मूल्य ५ दशमलव ६२ प्रतिशतले घटेको छ । त्यसै गरी सूर्या लाईफ इन्स्योरेन्स, एन एल जी इन्सयोरेन्स, नेपाल इन्स्योरेन्स, हिमालयन जनरल इन्स्योरेन्स र नेको इन्स्योरेन्सको सेयर मूल्य झण्डै चार प्रतिशतसम्म घटेको छ । बजार खुल्ला रहँदै गर्दा छिन छिनमा बीमा कम्पनीको सेयर मूल्यमा आएको फराकिलो उतार चढावले लगानीकर्तामा सामान्य किसिमको अन्यौलता उत्पन्न गराएको छ ।
बिहिबार नेपाल स्टक एक्सचेञ्जमा एक सय ४९ कम्पनीका १८ लाख ३९ हजार चार सय २४ कित्ता सेयरहरु नौ हजार १५ वटा कारोबारबाट एक अर्ब १५ करोड ८२ लाख नौ सय ८० रुपैँयामा किनबेच भएका छन् ।

 

 

 

समाचार

सबै

पुनर्बीमा कम्पनीको चौथो साधारण सभा सम्पन्न

काठमाडौ । वीमा कम्पनीहरुको जोखिम न्यूनिकरणको लागि स्थापना भएको नेपाल पुनर्बीमा कम्पनीको चौथो बार्षिक सधारणसभा गत हालै सम्पन्न भएको छ । शुक्रबार ललितपुरको होटल हिमालयमा सम्पन्न भएको सधारणसभामा गत आर्थिक.....

नेपाल लाईफको नयाँ बीमा योजना, प्रत्येक वर्ष खर्च, अवधी पश्चात पुरै भुक्तानी

बीमा न्यूज/काठमाडौं । जीवन बीमा कम्पनीले नेपाल लाईफ इन्स्योरेन्स कम्पनीले नयाँ बीमा योजना बजारमा ल्याएको छ ।.....

एशियन लाइफको दुई लाख २१ हजार कित्ता हकप्रद लिलाममा

काठमाडौं । एशियन लाईफ इन्स्योरेन्स कम्पनी लिमिटेडले २ लाख २१ हजार कित्ता हकप्रद सेयर लिलाम बिक्रीका लागि.....

प्रभु इन्स्योरेन्समा बीमा गर्दा बि एण्ड सी अस्पतालमा नगदरहित उपचार पाइने

काठमाडौं । निर्जिवन बीमा कम्पनी प्रभु इन्स्योरेन्समा बीमा गरेका सेवाग्राहीहरुले अब पूर्वको चर्चित बी एण्ड सी.....

गण्डकी विकास बैंकबाट अजोड इन्स्योरेन्सबीच सम्झौता

काठमाडौं । ख बर्गको वित्तिय संस्था गण्डकी बिकास बैंक र निर्जिवन बीमा कम्पनी अजोड इन्स्योरेन्सबीच बीमा सेवा.....