Nepal Life Insurance

प्रिमियम संकलन मात्रै होइन भुक्तानीमा पनि अग्रसर छन् बीमा कम्पनी

प्रकाशित मिति: १६ श्रावण २०७४, सोमबार ०६:२२

सागर चन्द

बीमा न्युज,
काठमाडौँ/ पछिल्लो समयमा बीमा कम्पनीहरू दाबी भुक्तानी तर्फ सकरात्मक देखिएका छन् । कम्पनीहरुले दाबी भुक्तानी नै गर्दैनन् भन्ने मानिसको आम धारणालाई चिर्दैै कम्पनीहरु भुक्तानी तर्फ अग्रसर देखिएका छन् ।
बीमा योजना खरिद गर्न जति सजिलो छ दाबी भुक्तानी लिन त्यति नै असहज छ । त्यसैले पनि नेपालमा बीमा प्रति मानिसहरुको खासै रुची देखिदैन । तर, दाबी भुक्तानी नै गर्न नखोज्ने कम्पनीहरुले पछिल्लो पटक भने विमितहरुको घर घरमा पुगेर भुक्तानी दिन थालेका छन् ।
आर्थिक वर्ष ०७३÷७४ तेस्रो त्रैमास अवधिसम्ममा जीवन बीमा कम्पनीहरूले ७ अर्ब १२ करोड रुपैयाँ दाबी भुक्तानी गरेका छन् । यो रकम गत आवको सोही अवधिको तुलनामा दोब्बर हो । गत आवको सोही अवधिमा कम्पनीहरूले ३ अर्ब ५७ करोड रुपैयाँ दाबी भुक्तानी गरेका छन् ।
त्यस्तै, बीमा समितिको तथ्यांकअनुसार चालू आवको तेस्रो त्रैमासमा मात्रै कम्पनीहरूले ३ अर्ब ४६ करोड रुपैयाँ भुक्तानी गरेका छन् । यो रकम गत आवको सोही अवधिको तुलनामा साढे तीन गुणाभन्दा धेरैले बढी हो । सो अवधिमा कम्पनीले दाबीबापत ९० करोड ९१ लाख रुपैयाँ भुक्तानी गरेका थिए ।


बीमा भनेको जोखिम हस्तान्तरण हो । विमितले भविष्यमा आइपर्ने सक्ने आर्थिक संकटलाई अनुमान गरी बीमा कम्पनीलाई जोखिम हस्तान्तरण गरेको हुन्छ । अर्थात् बिमा कम्पनी भनेको बिमितको दुःखको साथी हो । क्षतिले आहत बनेका बिमितलाई बीमा कम्पनीबाट प्राप्त हुने भुक्तानीले राहत प्रदान गर्छ । अर्थात् आर्थिक संकटको समयमा पाउने रकम बिमितका लागि अमूल्य हुन्छ । जसका कारण बिमितको बिमा कम्पनीप्रति विश्वास बढ्ने बताउँनुहुन्छ प्राइम लाइफ इन्स्योरेन्स कम्पनीका बजार प्रमुख कैलाश देवकोटा । “बिमा कम्पनीहरूका लागि बिमाशुल्क आर्जन गर्नु जति महत्वपूर्ण हुन्छ त्यति नै दाबी भुक्तानी पनि । जति दाबी भुक्तानी गर्न सक्यो त्यति व्यवसाय पनि बढ्दै जान्छ,” उहाँले भन्नुभयो ।

बीमा कम्पनीहरूको लागि दाबी भुक्तानी बजारीकरणको प्रमुख उपकरण भएको बताउनुहुन्छ बीमा समितिका निर्देशक राजुरमण पौडेल । यदि कम्पनीले समयमा नै भुक्तानी गर्ने हो भने बजारीकरणका लागि अन्य विकल्प अपनाउनु नपर्ने उहाँले बताउनुभयो ।


तथ्यांकअनुसार जीवन बीमा कम्पनीहरूको दाबी भुक्तानीको क्रम बढे पनि निर्जीवन बीमा कम्पनीको भने घटेको छ । आर्थिक वर्ष ०७३÷७४ तेस्रो त्रैमास अवधिमा निर्जीवन बीमा कम्पनीहरूको दाबी भुक्तानी ६० प्रतिशतले घटेको छ । गत आर्थिक बर्षको चैत मसान्तसम्मा कम्पनीहरूले दाबीबापत २ अर्ब २५ करोड रुपैयाँ भुक्तानी गरेका छन् भने गत आवको सोही अवधिमा ५ अर्ब ७४ करोड रुपैयाँ भुक्तानी गरेका थिए । यद्यपि निर्जीवन बीमा कम्पनीहरूले दाबी भुक्तानीलाई प्राथमिकतामा राख्दै आएको बिमकहरू बताउँछन् ।
तेस्रो त्रैमास अवधिमा कम्पनीहरूको दाबी भुक्तानीको अवस्था

 

 

 

 

 

समाचार

सबै

पुनर्बीमा कम्पनीको चौथो साधारण सभा सम्पन्न

काठमाडौ । वीमा कम्पनीहरुको जोखिम न्यूनिकरणको लागि स्थापना भएको नेपाल पुनर्बीमा कम्पनीको चौथो बार्षिक सधारणसभा गत हालै सम्पन्न भएको छ । शुक्रबार ललितपुरको होटल हिमालयमा सम्पन्न भएको सधारणसभामा गत आर्थिक.....

नेपाल लाईफको नयाँ बीमा योजना, प्रत्येक वर्ष खर्च, अवधी पश्चात पुरै भुक्तानी

बीमा न्यूज/काठमाडौं । जीवन बीमा कम्पनीले नेपाल लाईफ इन्स्योरेन्स कम्पनीले नयाँ बीमा योजना बजारमा ल्याएको छ ।.....

एशियन लाइफको दुई लाख २१ हजार कित्ता हकप्रद लिलाममा

काठमाडौं । एशियन लाईफ इन्स्योरेन्स कम्पनी लिमिटेडले २ लाख २१ हजार कित्ता हकप्रद सेयर लिलाम बिक्रीका लागि.....

प्रभु इन्स्योरेन्समा बीमा गर्दा बि एण्ड सी अस्पतालमा नगदरहित उपचार पाइने

काठमाडौं । निर्जिवन बीमा कम्पनी प्रभु इन्स्योरेन्समा बीमा गरेका सेवाग्राहीहरुले अब पूर्वको चर्चित बी एण्ड सी.....

गण्डकी विकास बैंकबाट अजोड इन्स्योरेन्सबीच सम्झौता

काठमाडौं । ख बर्गको वित्तिय संस्था गण्डकी बिकास बैंक र निर्जिवन बीमा कम्पनी अजोड इन्स्योरेन्सबीच बीमा सेवा.....