Nepal Life Insurance

बैदेशिक रोजगारमा जाँदा मृत्यु भएमा, परिवारले २२ लाख बराबरको रहात पाउने

प्रकाशित मिति: १७ श्रावण २०७४, मंगलवार ०९:२४

Beema News

अरुण पाख्रेन,

साउन-१७,काठमाडौं/ बैदेशिक रोजगारमा जाँदा मृत्यु भएका कामदारको परिवारले २२ लाख बराबरको रकम पाउने भएको छ । बीमा बापत १५ लाख र बैदेशिक रोजगार प्रवर्दन बोर्डको ७ लाख राहत गरि २२ लाख रकम पाउने भएको हो । २०७३ बैशाख १ गते श्रम स्वीकृति लिई विदेश गएका कामदारको १५ लाख रुपैयाँ बिमा गरेकोले सो बराबर रकम पाउने भएको हो ।
त्यसवाहेक यसअघि बोर्डवाट मृतक परिवारले ३ लाख रुपैयाँ मात्रै पाउदै आएको थियो । अब वैदेशिक रोजगार नियमावली–२०७४ को संशोधन भएर कार्यन्वयनमा आएको यस अवस्थामा रोजगारीको क्रममा रहेका नेपालीहरु विदेशमा मृत्यु भए परिवारलाई राहत स्वरुप थप ४ लाख गरी ७ लाख रुपैयाँ पाउने भएको हो ।

२०७३ माघ १५ गते श्रम स्वीकृति लिएका कामदारलाई १५ प्रकारका गम्भीर प्रकृति रोग लागेमा ५ लाख बीमा रकम पाउने व्यवस्था लागु गरिएको छ । ‘अब मृतक कामदारको परिवारले वोर्ड र बिमा बापत २२ लाख राहत रकम पाइन्छ,’ बैदेशिक रोजगार प्रर्वदन वोर्डका कार्यकारी निर्देशक रघुराज काफ्लेले बताउनुभयो । ‘त्यसबाहेक तोकिएको रोगबाट मृत्यु भएमा त्यसमा थप ५ लाख पाइन्छ ।’ उहाँले जानकारी दिनु भयो ।

‘विदा वा विरामी भई करार अवधिभित्र नेपालमै मृत्यु भएपनि राहत रकम पाउने व्यवस्था छ । श्रम स्वीकृतिको म्याद सकिएको थप एकवर्ष भित्र मृत्यु, अंगभंग वा गम्भीर प्रकृतिको विरामी भएका कामदारले पनि वोर्ड सुविधा पाउने बोर्डले जनाएको छ ।

 

बैदेशिक रोजगार (म्यादी) जीवन बीमा
बैदेशिक रोजगारमा जाने कामदारको सुरक्षाको लागि तयार पारिएको बिमा नै बैदेशिक रोजगार (म्यादी) जीवन बिमा हो । यो बिमा निश्चित अवधिको लागि मात्रै हुन्छ ।

कामदारको भिसा अवधिको आधारमा यो बिमालेखको अवधि निश्चित गरिन्छ । यसलाई सरकारले अनिवार्य गरेको छ । यस योजनाले बिमा अवधि भित्र विमितको मृत्यू भएमा निजले इच्छाएको व्यक्तिलाई क्षतिपूर्ति भुक्तान गर्छ । त्यस्तै, यस योजनाले घातक रोगहरु जस्तै, मृगौला फेलर, क्यान्सर जस्ता बिभिन्न रोग लागेमा तत्काल क्षतिपूर्ति समेत भुक्तान गर्छ । यस्तो बीमाको अवधि कम्तिमा एक वर्षको हुनेछ । यस योजनाको विमांक रकम १५ लाख रुपैयाँ रहेको छ । घातक रोग लागेको अवस्थामा कम्पनीले अधिकत्तम ५ लाख रुपैयाँ भुक्तान गर्छ ।

शर्तहरुः
बीमा शुल्क भुक्तानी गर्दा सुरुमै पुरा अबधिको बीमा शुल्क भुक्तानी गर्नु पर्दछ । यस योजनामा कुनै पनि चुक्क्ता मुल्य, समर्पण मुल्य तथा कर्जा जस्ता सुविधा उपलब्ध गराउँदैन ।

जोखिम बहन नगर्ने अवस्था :
कानुन बमोजिम पाएको अनुमति पाएको उडान बाहेक अन्य उडान गर्दा, कुनै युद्धमा संलग्न भएमा, नागरिक वाजंगी ऐन भंग गरेमा, नेपाल सरकारले बैदेशिक रोजगारीका लागि निषेध गरेको मुलुक गएमा ,बीमितको मुत्यु वा अपाङ्गता वा अंगभंग भएमा बीमकले कुनै पनि दायित्व वहन गर्दैन ।

 

 

 

समाचार

सबै

पुनर्बीमा कम्पनीको चौथो साधारण सभा सम्पन्न

काठमाडौ । वीमा कम्पनीहरुको जोखिम न्यूनिकरणको लागि स्थापना भएको नेपाल पुनर्बीमा कम्पनीको चौथो बार्षिक सधारणसभा गत हालै सम्पन्न भएको छ । शुक्रबार ललितपुरको होटल हिमालयमा सम्पन्न भएको सधारणसभामा गत आर्थिक.....

नेपाल लाईफको नयाँ बीमा योजना, प्रत्येक वर्ष खर्च, अवधी पश्चात पुरै भुक्तानी

बीमा न्यूज/काठमाडौं । जीवन बीमा कम्पनीले नेपाल लाईफ इन्स्योरेन्स कम्पनीले नयाँ बीमा योजना बजारमा ल्याएको छ ।.....

एशियन लाइफको दुई लाख २१ हजार कित्ता हकप्रद लिलाममा

काठमाडौं । एशियन लाईफ इन्स्योरेन्स कम्पनी लिमिटेडले २ लाख २१ हजार कित्ता हकप्रद सेयर लिलाम बिक्रीका लागि.....

प्रभु इन्स्योरेन्समा बीमा गर्दा बि एण्ड सी अस्पतालमा नगदरहित उपचार पाइने

काठमाडौं । निर्जिवन बीमा कम्पनी प्रभु इन्स्योरेन्समा बीमा गरेका सेवाग्राहीहरुले अब पूर्वको चर्चित बी एण्ड सी.....

गण्डकी विकास बैंकबाट अजोड इन्स्योरेन्सबीच सम्झौता

काठमाडौं । ख बर्गको वित्तिय संस्था गण्डकी बिकास बैंक र निर्जिवन बीमा कम्पनी अजोड इन्स्योरेन्सबीच बीमा सेवा.....