Nepal Life Insurance

स्वास्थ्य बीमा विधेयक छलफलका लागि संसद्मा

प्रकाशित मिति: २५ श्रावण २०७४, बुधबार ०४:२२

Beema News

बीमा न्युज,
साउन २५, काठमाडौं÷स्वास्थ्य बीमा विधेयकले संसदमा छलफलको लागि समय पाएको छ । विधेयक दर्ता भएको तीन महिना पछि विधेयकमाथि छलफलका लागि समय छुट्ट्याईएको हो । तत्कालिन स्वास्थ्य मन्त्री गगन थापाको कार्यकालमा संसद् सचिवालयमा दर्ता भएको विधेयकले दर्ता भएको तीन महिनापश्चात छलफलका लागि समय पाएको छ । विधेयकले छलफलका लागि समय पाए पनि, स्वाथ्य मन्त्रालयले भने स्वस्थ्य बीमा कार्यक्रम संञ्चालन गरिसकेको छ ।

स्वास्थ्य बीमा विधेयकमा वैदेशिक रोजगारमा जानेको परिवार, राष्ट्रसेवक, कर्मचारी र अनौपचारिक क्षेत्रमा कार्यरत व्यक्तिलाई अनिवार्य रुपमा स्वास्थ्य बीमामा आबद्ध गरिने प्रस्ताव गरिएको छ ।

स्वस्थ्य बीमा विधेयक लागु भएपछि जनताले प्राथमिक स्वास्थ्य संस्थाबाट निःशुल्क रुपमा प्राप्त गर्दै आएका आधारभुत स्वस्थ्य सेवालाई यथावत राखि विशिष्ट सेवा समेत स्वास्थ्य बीमा अन्र्तगत समावेश गरिने प्रस्ताव राखिएको छ ।
यसगरि स्वस्थ्य विधेयकमा स्वास्थ्य सेवालाई व्यवस्थित र प्रभावकारी बनाउन रिफरल प्रणाली लागु गर्दै, बीमा बोर्डलाई स्वायत्त निकायको रुपमा स्थापना गरी बीमित रकम वृद्धि गरिने, स्वास्थ्य बीमाको दायरालाई फराकिलो बनाउन मिल्ने प्रावधान प्रस्तुत गरिएको छ ।

विधेयकका विशेषता

स्वास्थ्य बीमा बोर्ड गठन :
विधेयकले स्वास्थ्य बीमालाई प्रभावकारी बनाउन एक स्वास्थ्य बीमा बोर्ड गठन गर्ने समेत उल्लेख गरेको छ । बोर्डमा नेपाल सरकारद्वारा नियुक्त व्यक्ति अध्यक्ष रहनेछ । त्यस्तै, सदस्यहरुमा मन्त्रालयले तोकेको सहसचिव वा ११ औं तहको अधिकृत एक जना, अर्थ मन्त्रालयका सहसचिव एक जना, श्रम तथा रोजगार मन्त्रालयका सहसचिव एक जना सदस्य रहने व्यवस्था विधेयकले गरेको छ । त्यस्तै मान्यता प्राप्त शिक्षण संस्थाबाट व्यवस्थापन, अर्थशास्त्र, जनस्वास्थ्य वा चिकित्साशास्त्र विषयमा  कम्तीमा स्नातकोत्तर उपाधि हासिल गरी सम्बन्धित क्षेत्रमा कम्तीमा दश वर्ष अनुभव प्राप्त व्यक्तिहरू मध्येबाट बोर्डले मनोनित गरेको एक जना, बीमा समितिका प्रतिनिधि र कार्यकारी निर्देशक रहने गरि बोर्डको गठन गरिने विधेयकमा उल्लेख गरिएको छ ।
स्वास्थ्य बीमा सेवा प्रदायकले यस ऐन वा यस ऐन अन्तर्गत बनेको नियम विपरीत काम गरेमा त्यस्तो सेवा प्रदायकलाई बोर्डले पाँच लाख देखि दश लाख रुपैयाँसम्म जरीवाना तिराउन सक्ने छ ।

बोर्डको काम कर्तव्य र अधिकार
स्वास्थ्य बीमा सम्बन्धी नीति, रणनीति, योजना, कार्यक्रम, बजेट तर्जुमा तथा स्वीकृत गरी कार्यान्वयन गर्ने, गराउने । योगदान रकमको दर तथा सेवाको स्तर निर्धारण गर्ने, सेवा प्राप्ति सम्बन्धी सम्झौता तथा भुक्तानीको विधि र दर तोक्ने, कोषको व्यवस्थापन, संरक्षण तथा सुरक्षित लगानी नीति तय गर्ने, जनशक्ति योजना र दरबन्दी स्वीकृतिका लागि मन्त्रालयमा पेश गर्ने र तोकिए बमोजिमका कार्य गर्न सक्ने छ ।
स्वास्थ्य बीमा कोष
स्वास्थ्य बीमा कार्यक्रम कार्यन्वयनको लागि एक स्वास्थ्य बीमा कोष स्थापना गरिने छ ।  कोषमा नेपाल सरकार, प्रदेश सरकार तथा स्थानीय सरकारबाट प्राप्त अनुदान, विभिन्न व्यक्ति, सङ्घ, संस्थाबाट प्राप्त रकम, विदेशी सरकार,  अन्र्तराष्टिय सङ्घ संस्था वा व्यक्तिबाट प्राप्त रकम र बोर्डले आर्जन गरेको तथा अन्य श्रोतबाट प्राप्त रकम सञ्चित गर्ने कार्य कोषले गर्ने छ ।
कोषमा रहेको रकम सेवा प्रदायकालाई भुक्तानी, स्वास्थ्य बीमा प्रवर्द्धन र प्रशासनिक खर्चमा प्रयोग गरिनेछ । स्वास्थ्य बीमा प्रवर्द्धन र प्रशासनिक खर्चमा बोर्डको कूल बजेटको बाह्र प्रतिशतमा नबढ्ने गरी प्रयोग गर्नुपर्ने  छ ।  कोषले रकम लिनु अघि सङ्घीय अर्थ मन्त्रालयको स्वीकृति लिनु पर्ने र कोषको खाता बोर्डले तोकेको नेपालभित्रको “क” वर्गको वाणिज्य बैङ्कमा रहने छ ।
जरिवाना
स्वास्थ्य बीमा सेवा प्रदायकले यस ऐन वा यस ऐन अन्तर्गत बनेको नियम विपरीत काम गरेमा त्यस्तो सेवा प्रदायकलाई बोर्डले पाँच लाख देखि दश लाख रुपैयाँसम्म जरीवाना तिराउन सक्ने छ । बीमितले कुनै कारणबस् बोर्डलाई हानि नोक्सानी पु¥याउने कार्य गरेमा कसुरको मात्रा हेरी नोक्सानीको बिगो वा बिगो बराबरको रकम भराई त्यस्तो बीमितलाई जरीवाना तिराउन सक्ने छ । बोर्डले गरेको निर्णयमा चित्त नबुझ्ने पक्षले त्यस्तो निर्णयको जानकारी पाएको मितिले पैँतीस दिनभित्र सम्बन्धित उच्च अदालतमा पुनरावेदन समेत गर्न सक्ने व्यवस्था विधेयकमा गरिएको छ ।

यो पनि पढ्नुहोस्

 

 

 

समाचार

सबै

पुनर्बीमा कम्पनीको चौथो साधारण सभा सम्पन्न

काठमाडौ । वीमा कम्पनीहरुको जोखिम न्यूनिकरणको लागि स्थापना भएको नेपाल पुनर्बीमा कम्पनीको चौथो बार्षिक सधारणसभा गत हालै सम्पन्न भएको छ । शुक्रबार ललितपुरको होटल हिमालयमा सम्पन्न भएको सधारणसभामा गत आर्थिक.....

नेपाल लाईफको नयाँ बीमा योजना, प्रत्येक वर्ष खर्च, अवधी पश्चात पुरै भुक्तानी

बीमा न्यूज/काठमाडौं । जीवन बीमा कम्पनीले नेपाल लाईफ इन्स्योरेन्स कम्पनीले नयाँ बीमा योजना बजारमा ल्याएको छ ।.....

एशियन लाइफको दुई लाख २१ हजार कित्ता हकप्रद लिलाममा

काठमाडौं । एशियन लाईफ इन्स्योरेन्स कम्पनी लिमिटेडले २ लाख २१ हजार कित्ता हकप्रद सेयर लिलाम बिक्रीका लागि.....

प्रभु इन्स्योरेन्समा बीमा गर्दा बि एण्ड सी अस्पतालमा नगदरहित उपचार पाइने

काठमाडौं । निर्जिवन बीमा कम्पनी प्रभु इन्स्योरेन्समा बीमा गरेका सेवाग्राहीहरुले अब पूर्वको चर्चित बी एण्ड सी.....

गण्डकी विकास बैंकबाट अजोड इन्स्योरेन्सबीच सम्झौता

काठमाडौं । ख बर्गको वित्तिय संस्था गण्डकी बिकास बैंक र निर्जिवन बीमा कम्पनी अजोड इन्स्योरेन्सबीच बीमा सेवा.....