Nepal Life Insurance

स्वास्थ्य बीमा गराउनेमा महिला अग्रस्थानमा

प्रकाशित मिति: ८ भाद्र २०७४, बिहीबार १४:४१

Beema News

बीमा न्युज,
भदौ ८, काठमाडौं÷सरकारले सञ्चालन गरिरहेको स्वास्थ्य बीमा कार्यक्रममा पुरुषको तुलनामा महिलाको सहभागीता संख्या अधिक देखिएको छ । सामाजिक स्वास्थ्य सुरक्षा विकास समितिको पछिल्लो तथ्यांक अनुसार स्वास्थ्य बिमा कार्यक्रममा सहभागी सदस्यमध्ये ५३ प्रतिशत महिला रहेका छन् । त्यस्तै, समितिको तथ्यांक अनुसार हालसम्म स्वास्थ्य उपचार सेवा लिएकामध्ये ५७ प्रतिशत संख्या महिलाको नै रहेको देखिएको छ ।

सामाजिक स्वास्थ्य सुरक्षा विकास समितिको पछिल्लो तथ्यांक अनुसार स्वास्थ्य बिमा कार्यक्रममा ५३ प्रतिशत महिला सहभागी

हालसम्म नेपालका विभिन्न जील्लामा संञ्चालन भईरहेको स्वस्थ्य बीमा कार्यक्रममा हाल सम्म १५ जिल्लाका ८८ हजार ३ सय ८५ जना व्यक्ति सहभागि भईसकेकाका छन् । प्रत्येक जिल्लामा पुरुषको तुलनामा महिला सहभागीता बढी देखिएको छ । गत चैत्र २५ गते कैलालीबाट सुरुवात भएको यो कार्यक्रम हाल बाग्लुङ्ग, इलाम, अछाम, बैतडी, कास्की, पाल्पा, म्याग्दी, भक्तपुर, गोर्खा, तनँहु, चितवन, जुम्ला, जाजरकोट र मकवानपुरमा समेत विस्तार भईसकेको छ ।


पुरुषको तुलनामा महिलाको जनसंख्या अधिक हुनु तथा रोजगारीको लागि पुरुषहरु घर भन्दा बाहिर रहनुले पनि स्वास्थ्य बीमा गराउनेमा महिलाको संख्या धेरै देखिएको हुन सक्ने समितिका सिअहेव अधिकृत जनक अधिकारी बताउनुहुन्छ । “हाम्रा दर्ता सहयोगीहरु घर घरमा जानु हुन्छ । प्राय जसो घरमा महिलाहरु नै भेटिन्छन् । त्यसैले पनि महिलाको संख्या अधिक भएको हुन सक्छ,” उहाँले भन्नु भयो ।

नागरिकको उपचार गर्न पाउने अधिकारलाई संरक्षण गर्दै सरकारले नै स्वास्थ्य बीमा कार्यक्रमको परिकल्पना गरेको हो । कार्यक्रम सञ्चालनको योजना विगत लामो समय देखि भएता पनि अघिल्लो बर्ष देखि मात्रै यो कार्यक्रम सञ्चालनमा आएको हो । सरकारले पुर्वाधार निर्माण र योजना बनाउने काम धेरै अगाडी देखि गर्दै आए पनि सामाजिक स्वास्थ्य सुरुक्षा विकास समिति गठन आदेश २०७१ पारित भएपछि यस कार्यक्रमले गति लिएको हो । कार्यक्रम सञ्चालनकै लागि अर्थमन्त्रालयले छुट्टै सुरक्षा विकास समिति समेत गठन गरेको छ ।

स्वास्थ्य बीमा कार्यक्रममा सहभागीको महिला र पुरुषको संख्या

स्रोत ः समाजिक सुरक्षा स्वास्थ्य विकास समिति

 

 

 

समाचार

सबै

पुनर्बीमा कम्पनीको चौथो साधारण सभा सम्पन्न

काठमाडौ । वीमा कम्पनीहरुको जोखिम न्यूनिकरणको लागि स्थापना भएको नेपाल पुनर्बीमा कम्पनीको चौथो बार्षिक सधारणसभा गत हालै सम्पन्न भएको छ । शुक्रबार ललितपुरको होटल हिमालयमा सम्पन्न भएको सधारणसभामा गत आर्थिक.....

नेपाल लाईफको नयाँ बीमा योजना, प्रत्येक वर्ष खर्च, अवधी पश्चात पुरै भुक्तानी

बीमा न्यूज/काठमाडौं । जीवन बीमा कम्पनीले नेपाल लाईफ इन्स्योरेन्स कम्पनीले नयाँ बीमा योजना बजारमा ल्याएको छ ।.....

एशियन लाइफको दुई लाख २१ हजार कित्ता हकप्रद लिलाममा

काठमाडौं । एशियन लाईफ इन्स्योरेन्स कम्पनी लिमिटेडले २ लाख २१ हजार कित्ता हकप्रद सेयर लिलाम बिक्रीका लागि.....

प्रभु इन्स्योरेन्समा बीमा गर्दा बि एण्ड सी अस्पतालमा नगदरहित उपचार पाइने

काठमाडौं । निर्जिवन बीमा कम्पनी प्रभु इन्स्योरेन्समा बीमा गरेका सेवाग्राहीहरुले अब पूर्वको चर्चित बी एण्ड सी.....

गण्डकी विकास बैंकबाट अजोड इन्स्योरेन्सबीच सम्झौता

काठमाडौं । ख बर्गको वित्तिय संस्था गण्डकी बिकास बैंक र निर्जिवन बीमा कम्पनी अजोड इन्स्योरेन्सबीच बीमा सेवा.....