Nepal Life Insurance

बैतडीमा स्वास्थ्य बीमामा गर्नेको संख्या बढ्दै

प्रकाशित मिति: १३ भाद्र २०७४, मंगलवार ११:५६

Beema News

 

बीमा न्युज,
भदौ १३, काठमाडौं÷ स्वास्थ्य बीमाको फाइदाका बारेमा जानकारी प्राप्त भएपछि बैतडीमा स्वास्थ्य बीमा गर्नेहरुको संख्या बढ्दै गएको छ । सामाजिक स्वास्थ्य सुरक्षा अन्र्तगत सरकारले सुरु गरेको स्वास्थ्य बीमा कार्यक्रममा सर्वसाधारणहरुको सहभागिता उत्साहजनक देखिएको हो । पछिल्लो तथ्यांक अनुसार बैतडी जिल्लामा मात्रै तीन हजार २७ जनाले बीमा गरेका छन् ।
जिल्ला स्वास्थ्य बीमा कार्यक्रमका प्रबन्धक जनक साउदका अनुसार अझै बीमा गर्नेहरुको संख्या बढ्न सक्ने अनुमान छ । जिल्ला स्वास्थ्य बीमा कार्यक्रम अन्र्तगत गतबर्ष पुस ७ गतेदेखि बैतडीमा स्वास्थ्य बीमाको दर्ता प्रक्रिया शुरु भएर २०७३ फागुनबाट बीमा कार्यक्रम शुरु भएको थियो ।
पाँच जनासम्मको परिवारले दुई हजार पाँच सय तिरेमा पचास हजार सम्मको उपचार निःशुल्क गर्ने सकिने प्राबधान छ । पाँच जनाभन्दा बढी संख्या भएको परिवारका लागि चार सय पच्चिस रुपैँयाका दरले थप शुल्क लाग्ने छ ।

जिल्लामा स्वास्थ्य बीमा गरेकामध्ये ३२७ जनाले सेवा समेत लिइसकेका छन् । स्वास्थ्य बीमाअन्तर्गत शुरुमा ५३० प्रकारका औषधि निःशुल्क रुपमा दिने व्यवस्था गरिएको भए पनि अहिले ९२८ प्रकारका औषधि निःशुल्क प्रदान गर्ने गरिएको साउदले बताउनुभयो । स्वास्थ्य बीमाका लागि जिल्लाभरि दर्ता सहयोगी रहेको सामाजिक सुरक्षा विकास समिति बैतडीले जनाएको छ ।
बीमा गरेका घरपरिवारका सदस्यले स्वास्थ्य मन्त्रालयबाट सूचीकृत अस्पतालमा मात्रै निःशुल्क उपचार सेवा पाउने व्यवास्थ छ । रासस

 

 

 

 

समाचार

सबै

पुनर्बीमा कम्पनीको चौथो साधारण सभा सम्पन्न

काठमाडौ । वीमा कम्पनीहरुको जोखिम न्यूनिकरणको लागि स्थापना भएको नेपाल पुनर्बीमा कम्पनीको चौथो बार्षिक सधारणसभा गत हालै सम्पन्न भएको छ । शुक्रबार ललितपुरको होटल हिमालयमा सम्पन्न भएको सधारणसभामा गत आर्थिक.....

नेपाल लाईफको नयाँ बीमा योजना, प्रत्येक वर्ष खर्च, अवधी पश्चात पुरै भुक्तानी

बीमा न्यूज/काठमाडौं । जीवन बीमा कम्पनीले नेपाल लाईफ इन्स्योरेन्स कम्पनीले नयाँ बीमा योजना बजारमा ल्याएको छ ।.....

एशियन लाइफको दुई लाख २१ हजार कित्ता हकप्रद लिलाममा

काठमाडौं । एशियन लाईफ इन्स्योरेन्स कम्पनी लिमिटेडले २ लाख २१ हजार कित्ता हकप्रद सेयर लिलाम बिक्रीका लागि.....

प्रभु इन्स्योरेन्समा बीमा गर्दा बि एण्ड सी अस्पतालमा नगदरहित उपचार पाइने

काठमाडौं । निर्जिवन बीमा कम्पनी प्रभु इन्स्योरेन्समा बीमा गरेका सेवाग्राहीहरुले अब पूर्वको चर्चित बी एण्ड सी.....

गण्डकी विकास बैंकबाट अजोड इन्स्योरेन्सबीच सम्झौता

काठमाडौं । ख बर्गको वित्तिय संस्था गण्डकी बिकास बैंक र निर्जिवन बीमा कम्पनी अजोड इन्स्योरेन्सबीच बीमा सेवा.....