Nepal Life Insurance

नेपाली बीमा उद्योगमा ५६ करोड विदेशी लगानी

प्रकाशित मिति: २० भाद्र २०७४, मंगलवार ११:४३

Beema News

 

बीमा न्युज,
काठमाडौं÷नेपालको बीमा उद्योगमा विदेशी कम्पनीहरुको करिब ५६ करोड ४४ लाख रुपैयाँ लगानी रहेको छ । भारत, श्रीलंका, जर्मन तथा अमेरिकन कम्पनीले नेपाली बीमा कम्पनीहरुमा लगानी गरेको बीमा समितिले जानकारी दिएको छ । बीमा व्यवसायका लागि नेपाली बजारमा पर्याप्त संभावना देखिएकोले विदेशी कम्पनीहरु नेपालमा आकर्षित भएका हुन सक्ने समितिको ठम्याई रहेको छ ।

नेपालमा सञ्चालित बीमा कम्पनीमध्ये नेशनल लाईफ इन्स्योरेन्स, लाइफ इन्स्योरेन्स कर्पोरेशन (नेपाल), युनाईटेड इन्स्योरेन्स, सगरमाथा इन्स्योरेन्समा विदेशी कम्पनीहरुको प्रत्यक्ष लगानी रहेको छ ।


जीवन बीमा कम्पनी तर्फ लाईफ इन्स्यारेन्स कर्पोरेशन (नेपाल) मा सबैभन्दा बढी विदेशी लगानी रहेको छ । उक्त कम्पनीमा लाईफ इन्स्योरेन्स कर्पोरेशन इण्डियाको ५५ प्रतिशत लगानी रहेको छ । एक अर्ब छ करोड रुपैयाँ चुक्ता पूँजी रहेको लाईफ इन्स्योरेन्स कर्पोरेशन (नेपाल)मा भारतिय कम्पनीले ३८ करोड ५० लाख रुपैयाँ लगानी गरेको छ ।

नेशनल लाइफ इन्स्योरेन्स कम्पनीमा भने अमेरिकन कम्पनी सिलिक कोटको दुई प्रतिशत लगानी रहेको छ । एक अर्ब ३२ करोड चुक्ता पूँजी रहेको उक्त कम्पनीमा अमेरिकन कम्पनीले दुई करोड तीन लाख रुपैयाँ लगानी गरेको छ ।

त्यस्तै, निर्जीबन बीमा कम्पनी तर्फ युनाईटेड इन्स्योरेन्स कम्पनीमा जर्मन कम्पनी कपुर जिएमविएच तथा मोरगान रिड एण्ड सरमनको एक÷एक प्रतिशत लगानी रहेको छ । ३० करोड २४ लाख रुपैयाँ चुक्ता पूँजी रहेको कम्पनीमा जर्मन कम्पनीहरुले २१ लाख ६० हजार रुपैयाँ लगानी गरेका छन् । सगरमाथा इन्स्योरेन्स कम्पनीमा श्रीलंकको सिलिङको इन्स्योरेन्स कम्पनी २० प्रतिशत लगानी रहेको छ । ५३ करोड ८२ लाख रुपैयाँ चुक्ता पूँजी रहेको सगरमाथा इन्स्योरेन्स कम्पनीमा श्रीलंकाको कम्पनीले सात करोड १३ लाख रुपैयाँ लगानी गरेको छ ।
बिमा ऐन अनुसार बीमा व्यवसाय गर्न चाहने संस्थाले बीमा समितिबाट अनुमति लिनुपर्ने प्रावधान रहेको छ । तर, ऐनमा विदेशी लगानी सम्बन्धी भने स्पष्ट नीति  छैन । यद्यपी मुलुकमा विदेशी लगानी भित्राउने राष्ट्रिय नीति नै भएकाले बीमा कम्पनीमा विदेशी लगानी रहेको समितिका निर्देशक श्रीमान् कार्कीको ठहर छ ।

कुन कम्पनीमा कसको लगानी कति ? विवरण सहित …

 

 

 

समाचार

सबै

पुनर्बीमा कम्पनीको चौथो साधारण सभा सम्पन्न

काठमाडौ । वीमा कम्पनीहरुको जोखिम न्यूनिकरणको लागि स्थापना भएको नेपाल पुनर्बीमा कम्पनीको चौथो बार्षिक सधारणसभा गत हालै सम्पन्न भएको छ । शुक्रबार ललितपुरको होटल हिमालयमा सम्पन्न भएको सधारणसभामा गत आर्थिक.....

नेपाल लाईफको नयाँ बीमा योजना, प्रत्येक वर्ष खर्च, अवधी पश्चात पुरै भुक्तानी

बीमा न्यूज/काठमाडौं । जीवन बीमा कम्पनीले नेपाल लाईफ इन्स्योरेन्स कम्पनीले नयाँ बीमा योजना बजारमा ल्याएको छ ।.....

एशियन लाइफको दुई लाख २१ हजार कित्ता हकप्रद लिलाममा

काठमाडौं । एशियन लाईफ इन्स्योरेन्स कम्पनी लिमिटेडले २ लाख २१ हजार कित्ता हकप्रद सेयर लिलाम बिक्रीका लागि.....

प्रभु इन्स्योरेन्समा बीमा गर्दा बि एण्ड सी अस्पतालमा नगदरहित उपचार पाइने

काठमाडौं । निर्जिवन बीमा कम्पनी प्रभु इन्स्योरेन्समा बीमा गरेका सेवाग्राहीहरुले अब पूर्वको चर्चित बी एण्ड सी.....

गण्डकी विकास बैंकबाट अजोड इन्स्योरेन्सबीच सम्झौता

काठमाडौं । ख बर्गको वित्तिय संस्था गण्डकी बिकास बैंक र निर्जिवन बीमा कम्पनी अजोड इन्स्योरेन्सबीच बीमा सेवा.....