Nepal Life Insurance

पशुधन दाबी बापत साढे एक करोड भुक्तानी

प्रकाशित मिति: २९ भाद्र २०७४, बिहीबार १०:१७

Beema News

बीमा न्युज,
भदौ २९, काठमाडौ÷ निक्षेप तथा कर्जा सुरक्षण (बीमा) कोषले गत आर्थिक बर्ष २०७३÷७४ मा पशुधन सुरक्षण दाबी बापत १ करोड ६८ लाख रुपैयाँ भुक्तानी गरेको छ । यो रकम अघिल्लो आर्थिक वर्षको तुलनामा १० प्रतिशतले बढी हो । अघिल्लो आर्थिक वर्षको सोही अवधिमा भने कोषले पशुधन दाबी बापत जम्मा १ करोड ५२ लाख रुपैयाँ दाबी भुक्तानी गरेको थियो ।

तथ्यांक अनुसार उक्त अवधिमा ४१४ कृषकले दाबी गरेका थिए । अघिल्लो आर्थिक वर्षको सोही अवधिमा भने ४२७ कृषकले ४३० वटा पशुको दाबी गरेका थिए ।

त्यस्तै, उक्त अवधिमा विराटनगरका १७७ जना कृषकले १७७ वटै पशुधनको लागि दाबी गरेको थिए । चितवन क्षेत्रबाट भने १४३, जना कृषकले १४३ वटै पशुधन लागी दाबी गरेको थिए । चितवनका १६ जना कृषकको १६ वटा पशुधन बापतको दाबी गरेका थिए भने पोखराबाट ३३ र नेपालगन्जबाट ४५ जना कृषकले सोही अनुपातमा दाबी गरेका थिए ।

विराटनगर क्षेत्रबाट परेको दाबी बापत कोषले ६९ लाख ७५ हजार रुपैयाँ कोषले भुक्तानी गरिसकेको छ । उक्त रकम कुल दाबी भुक्तानी रकमध्ये ४१ दशमलव ३३ प्रतिशत हो । काठमाडौ क्षेत्रमा परेको दाबी बापत ६ लाख ८९ हजार रुपैयाँ कोषले दाबी भुक्तानी गरेको छ । यो रकम कुल दाबी भुक्तानीको जम्मा ४ प्रतिशत हो ।

त्यस्तै, पोखरा क्षेत्रबाट परेको दाबीको कोषले १४ लाख १४ हजार रुपैयाँ भुक्तान गरेको छ । नेपालगन्जबाट भने १२ लाख ३१ हजार रुपैयाँ भुक्तानी गरिएको छ ।

गत आवमा ११ हजार ३९ कृषकले १४ हजार ४२८ पशुधनको सुरक्षण (बीमा) गरेका थिए । जसबापत कोषले ७७ करोड ३९ लाख सुरक्षण रकम संकलन गरेको थियो । यो रकम अघिल्लो आवको तुलनामा करिब १६ प्रतिशतले बढी हो । पशुधन सुरक्षण गरे बापत भने कोषले गत आवमा ५ करोड १८ लाख रुपैयाँ सुरक्षण शुल्क संकलन गरेको छ । जबकी कोषले ४ करोड ९० लाख रुपैयाँको लक्ष्य राखेको थियो ।

सुरक्षण गरिएका पशुको मृत्यू भएमा सुरक्षण रकमको ८० प्रतिशत र स्थायी रुपले अनुत्पादक भएमा गाई, बाच्छी, साँढे, गोरु, खच्चड, घोडा र गधाको हकमा ४० प्रतिशतले रकम भुक्तानी गर्छ । त्यस्तै, अन्य पशुधनको हकमा २५ प्रतिशत क्षतिपूर्ति भुक्तान गर्छ ।

 

 

 

समाचार

सबै

पुनर्बीमा कम्पनीको चौथो साधारण सभा सम्पन्न

काठमाडौ । वीमा कम्पनीहरुको जोखिम न्यूनिकरणको लागि स्थापना भएको नेपाल पुनर्बीमा कम्पनीको चौथो बार्षिक सधारणसभा गत हालै सम्पन्न भएको छ । शुक्रबार ललितपुरको होटल हिमालयमा सम्पन्न भएको सधारणसभामा गत आर्थिक.....

नेपाल लाईफको नयाँ बीमा योजना, प्रत्येक वर्ष खर्च, अवधी पश्चात पुरै भुक्तानी

बीमा न्यूज/काठमाडौं । जीवन बीमा कम्पनीले नेपाल लाईफ इन्स्योरेन्स कम्पनीले नयाँ बीमा योजना बजारमा ल्याएको छ ।.....

एशियन लाइफको दुई लाख २१ हजार कित्ता हकप्रद लिलाममा

काठमाडौं । एशियन लाईफ इन्स्योरेन्स कम्पनी लिमिटेडले २ लाख २१ हजार कित्ता हकप्रद सेयर लिलाम बिक्रीका लागि.....

प्रभु इन्स्योरेन्समा बीमा गर्दा बि एण्ड सी अस्पतालमा नगदरहित उपचार पाइने

काठमाडौं । निर्जिवन बीमा कम्पनी प्रभु इन्स्योरेन्समा बीमा गरेका सेवाग्राहीहरुले अब पूर्वको चर्चित बी एण्ड सी.....

गण्डकी विकास बैंकबाट अजोड इन्स्योरेन्सबीच सम्झौता

काठमाडौं । ख बर्गको वित्तिय संस्था गण्डकी बिकास बैंक र निर्जिवन बीमा कम्पनी अजोड इन्स्योरेन्सबीच बीमा सेवा.....