Nepal Life Insurance

चाडपर्वमा रेमिट्यान्सको मात्रा बढ्दा पनि बीमा गर्नेको संख्या भने बढ्न सकेन

प्रकाशित मिति: २९ भाद्र २०७४, बिहीबार १५:३९

सागर चन्द

बीमा न्युज,
भाद्र २९, काठमाडौँ ।
मुलुकको अर्थतन्त्रको प्रमुख हिस्सा बनेको रेमिट्यान्स दशैँ तिहार जस्ता ठूला चाडपर्वमा धेरै भित्रिने गर्छ । अन्य समयमा भन्दा चाडपर्वको समयमा रेमिट्यान्स दोब्बर मात्रामा भित्रिने गर्छ । चाडपर्वको लागि खर्च भन्दै विदेशबाट ठूलो मात्रामा रेमिट्यान्स भित्रिने रेमिट्यान्सले राष्ट्रिय अर्थतन्त्रको २६.८ प्रतिशत हिस्सा ओगटेको छ । युवाहरु विदेशीने क्रम बढेकोले नेपालका धेरै परिवारहरु रेमिट्यान्सको रकममा आश्रीत छन् । चाडपर्वको समयालाई लक्षित गर्दै रेमिट्यान्स कम्पनीहरुले उपहार योजनाहरु पनि सार्वजनिक गरेका छन् । यसरी सिगैं राष्ट्रको अर्थतन्त्र धानेको रेमिट्यान्स भने उत्पादनमूलक क्षेत्रमा भन्दा अनुत्पादक क्षेत्रमा खर्च हुने गरेको छ । राष्ट्र बैंकले केही समय अगाडी गरेको ‘विप्रेषण प्राप्त गर्ने घरपरिवारको बचत तथा लगानी प्रवृत्ति’ अध्ययनले विप्रेषण प्राप्त गर्ने कुल घरपरिवारमध्ये २९.४ प्रतिशत परिवारले मात्रै बीमा गरेको देखाएको छ । रेमिट्यान्सबाट भित्रिने अर्बौ रकम दैनिक खर्च चलाउन सबैभन्दा धेरै खर्च हुने गरेको पाईएको छ । अध्ययनले नयाँ तथ्य पनि प्रस्तुत गरेको छ । महिला घरमूली भएको परिवारमा ३२.७ प्रतिशतले  बीमा गरेको देखाएको छ भने पुरुष घरमूली भएको परिवारमा २६.१ प्रतिशतले मात्रै बीमा गरेको देखाएको छ ।
यसका साथै अध्ययनले कुल बिमित घरपरिवारमध्ये ९४ प्रतिशतले जीवन बिमा गरेको देखाएको छ । जसमा ६ प्रतिशतले मात्रै निर्जीवन बीमा गरेका छन् । बीमित घरपरिवारले बार्षिक रुपमा औसत १४ हजार १ सय २० रुपैयाँ बीमाशुल्क भुक्तानी गर्ने गरेको अध्ययनले देखाएको छ । सहर तथा सहरोन्मूख क्षेत्रका ३०.९ प्रतिशत र ग्रामीण क्षेत्रका २८.३ प्रतिशतले बीमा गरेको अध्ययन प्रतिवेदनमा उल्लेख गरिएको छ ।
वित्तीय पहुँच मापकको रुपमा लिईने बीमामा सर्वसाधारणको पहुँच अझै पुग्न सकेको देखिदैन । मुलुकमा भित्रिने रेमिट्यान्सको ठूलो हिस्सा दैनिकी संञ्चालनमा खर्च हुने गरेको छ । वित्तीय पहुँच अभिवृद्धि गर्न विगतमा लागू गरिएका नीति तथा कार्यक्रमहरू मूलरूपमा लघुवित्त बैंकिङ सेवामा केन्द्रित रहेको र बीमा सेवालाई सँगसँगै नलगिएकोले बीमा गर्ने घरपरिवारको संख्या अन्य वित्तिय क्षेत्रको तुलनामा कम रहेको बताईन्छ ।

 

 

 

 

समाचार

सबै

पुनर्बीमा कम्पनीको चौथो साधारण सभा सम्पन्न

काठमाडौ । वीमा कम्पनीहरुको जोखिम न्यूनिकरणको लागि स्थापना भएको नेपाल पुनर्बीमा कम्पनीको चौथो बार्षिक सधारणसभा गत हालै सम्पन्न भएको छ । शुक्रबार ललितपुरको होटल हिमालयमा सम्पन्न भएको सधारणसभामा गत आर्थिक.....

नेपाल लाईफको नयाँ बीमा योजना, प्रत्येक वर्ष खर्च, अवधी पश्चात पुरै भुक्तानी

बीमा न्यूज/काठमाडौं । जीवन बीमा कम्पनीले नेपाल लाईफ इन्स्योरेन्स कम्पनीले नयाँ बीमा योजना बजारमा ल्याएको छ ।.....

एशियन लाइफको दुई लाख २१ हजार कित्ता हकप्रद लिलाममा

काठमाडौं । एशियन लाईफ इन्स्योरेन्स कम्पनी लिमिटेडले २ लाख २१ हजार कित्ता हकप्रद सेयर लिलाम बिक्रीका लागि.....

प्रभु इन्स्योरेन्समा बीमा गर्दा बि एण्ड सी अस्पतालमा नगदरहित उपचार पाइने

काठमाडौं । निर्जिवन बीमा कम्पनी प्रभु इन्स्योरेन्समा बीमा गरेका सेवाग्राहीहरुले अब पूर्वको चर्चित बी एण्ड सी.....

गण्डकी विकास बैंकबाट अजोड इन्स्योरेन्सबीच सम्झौता

काठमाडौं । ख बर्गको वित्तिय संस्था गण्डकी बिकास बैंक र निर्जिवन बीमा कम्पनी अजोड इन्स्योरेन्सबीच बीमा सेवा.....