Nepal Life Insurance

साढे १२ लाख मोटर बीमालेख जारी! कुल बीमालेखको ७२ प्रतिशत

प्रकाशित मिति: १ आश्विन २०७४, आईतवार ११:१९

Beema News

बीमा न्युज,
असोज १, काठमाडौं । गत आर्थिक बर्ष २०७३/७४ निर्जीवन बीमा कम्पनीहरुले साढे १२ लाख मोटर बीमालेख जारी गरेका छन् । बीमा समितिको तथ्यांक अनुसार गत आवको अन्त्यसम्ममा १७ निर्जीवन बीमा कम्पनीहरुले १२ लाख ५८ हजार ७३७ वटा मोटर बीमालेख जारी गरेका हुन् । यो संख्या कम्पनीहरुले जारी गरेको कुल निर्जीवन बीमालेखको ७२ प्रतिशत हो ।


भौतिक सम्पतिको जोखिम हस्तान्तरण गरिनुलाई नै निर्जीवन बीमा भनिन्छ । निर्जीवन बीमा अन्र्तगत बीमा कम्पनीहरुले विभिन्न खालका योजनाहरु सञ्चालमा ल्याएका छन् । अग्नि, सामुन्द्रिक, मोटर, इन्जिनियरिङ्ग, कृषि लगायतका बीमालेख कम्पनीरुले जारी गर्दै आएका छन् । तर, नेपालको बीमा व्यवसायमा मोटरको बीमाको हिस्सा अधिक रहेको छ ।

मोटर बीमा अन्र्तगतको तेस्रो पक्ष बीमालाई सरकार २०६६ सालमा नै अनिवार्य गरेको हो । त्यस्तै, दोस्रो पक्ष बीमालाई पनि गत आव देखि सरकारले अनिवार्य गरेको छ । फलस्वरुप नेपालमा मोटर बीमाको हिस्सा अधिक रहन गएको हो । त्यस्तै, उक्त अवधिमा मोटर बीमा बापत कम्पनीहरुले ९ अर्ब २७ करोड रुपैयाँ संकलन गर्न सफल भएका छन् भने मोटर बीमा दाबी बापत कम्पनीहरुले ४ अर्ब ९ करोड रुपैयाँ भुक्तानी गरेका छन् ।


मोटर बीमालेख पछि कम्पनीहरुले सबैभन्दा धेरै अग्नि बीमालेख जारी गरेका छन् । गत आवमा कम्पनीहरुले २ लाख ६४ हजार ९६६ वटा अग्नि बीमालेख जारी गरेका छन् । यो संख्या कुल बीमालेखको १४ प्रतिशत हो । त्यस्तै, उक्त बीमालेख बापत कम्पनीहरुले ३ अर्ब ८० करोड रुपैयाँ बीमाशुल्क आर्जन गरेका छन् । यो संख्या कुल बीमाशुल्क आर्जनको २० प्रतिशत हो ।

कम्पनीहरुले जारी गरेको बीमायोजना मध्ये हवाई बीमा योजनाको हिस्सा न्यून रहेको छ । गत आवमा कम्पनीहरुले जम्मा २०४ वटा हवाई बीमालेख जारी गरे । यो संख्या कुल बीमालेखको शून्य दशमलव शून्य १ प्रतिशत हो ।

समितिको तथ्यांक अनुसार गत आवमा निर्जीवन कम्पनीहरुले कुल १७ लाख ७२ हजार ६८१ निर्जीवन बीमालेख जारी गरेका छन् । त्यस्तै, उक्त बीमालेख बापत कम्पनीहरुले १८ अर्ब ८० करोड रुपयाँ बीमाशुल्क आर्जन गरेका छन् भने ११ अर्ब ४४ करोड रुपैयाँ दाबी भुक्तानी गरेका छन् ।

 

 

 

समाचार

सबै

महालक्ष्मी लाइफ इन्स्योरेन्सको कारोबार अब सिटिजन्स बैंकबाटै

काठमाडौं । जीवन बीमा कम्पनी महालक्ष्मी लाईफ इन्स्योरेन्स कम्पनीको बीमा सम्बन्धी कारोबार अब सिटिजन्स बैंकमार्फत पनि गर्न सकिने भएको छ । नेपाल राष्ट्र बैंकबाट क बर्गको वित्तिय कारोबार गर्न अनुमति प्राप्त.....

लुक्लाको हवाई दुर्घटना भिडियोमा यस्तो देखियो

काठमाडौं । एक अर्बभन्दा बढि क्षति हुने गरी आज भएको हवाई दुर्घटनाको भिडियो दि हिमालयन न्यूजले सार्वजनिक गरेको छ ।.....

लुक्लामा डरलाग्दो हवाई दुर्घटना, तीनको मृत्यु, अर्बभन्दा बढि क्षति

काठमाडौं । नयाँ वर्षको पहिलो दिन नेपाली आकाशका लागि कालो दिन सावित भयो । विहानै लुक्लामा डरलाग्दो हवाई.....

एभरेष्ट इन्स्योरेन्सले पायो ३००% हकप्रद शेयरको अनुमति

काठमाडौं । निर्जिवन बीमा कम्पनी एभरेष्ट इन्स्योरेन्स कम्पनीले हाल कायम रहेका शेयरमा ३००% हकप्रद शेयर.....

आईएमई जनरलको विद्यार्थी बीमा योजना, अभिभावकसहितको जोखिम वहन

बीमा न्यूज/काठमाडौं । निर्जिवन बीमा कम्पनी आईएमई जनरल इन्स्योरेन्सले बुधबार देखि विद्यार्थी बीमा योजना.....