Nepal Life Insurance

सुरक्षित घर कर्जा योजना अन्तर्गत मृतकका परिवारलाई बीमा रकम हस्तान्तरण

प्रकाशित मिति: २ आश्विन २०७४, सोमबार १३:५८

Beema News

बीमा न्युज,
भदौ २, काठमाडौं ।  सनराईज बैंकले सुरक्षित घर कर्जा अन्तर्गत कर्जा लिएका ग्राहकलाई बीमा रकम भुक्तानी गरेको छ । बैंकले सुरक्षित घर कर्जा अन्तर्गत कर्जा लिएका ग्राहकको कर्जा रकम बराबरको बीमा गरेको थियो । यसै योजना अन्तर्गत कर्जा लिएका श्रीप्रसाद तण्डुकारको निधन भएपछि बैंकले बोनस सहितको बीमा रकम तुण्डुकार परिवारलाई उपलब्ध गराएको छ ।

सुरक्षित घर कर्जा योजनाको साझेदार प्राइम लाइफको प्रमुख कार्यकारी अधिकृत मनोज कुमार भट्टराईले मृतक ग्राहकका छोरा सुमन तण्डुकारको उपस्थितिमा बीमा रकम र बोनस सहित १५ लाख ७४ हजार दुई सय ५० रुपैयाँ सनराईज बैंकका नायव महाप्रबन्धक रविन कुमार नेपाललाई हस्तान्तरण गरेको हो । जस मध्ये १५ लाख रुपैयाँले बैंकको सावाँ रकम चुक्ता गरिनेछ भने बाँकी बोनस रकम मृतकका छोरा सुमन तण्डुकारलाई उपलब्ध गराइने बैंकले जनाएको छ ।

बैंकले आफ्ना ग्राहकहरुलाई ऋण रकम बराबरको सार्वधिक जीवन बीमा सहितको सनराइज सुरक्षित घर कर्जा योजना विगत २ वर्ष देखि संचालनमा ल्याएको छ । यसमा ग्राहकहरुको कर्जा रकम बराबर जीवन बीमा गरिनुको साथै निजहरुलाई बीमाको अवधि अनुसार बोनसमा समेत सहभागिता गराइँदै आएको छ । साथै कथम्–कदाचित ग्राहकको मृत्यु भएमा बीमा कम्पनीबाट पूर्ण रुपमा कर्जा रकम चुक्ता गरिनुको साथै तोकिएको असाध्य रोगले  ग्रसित भई अशक्त भएमा बीमा सुविधा बापत हरेक महिना निश्चित रकम निश्चित समयका लागि प्रदान गरिने व्यवस्था रहेको छ । यस कर्जा योजना अनुसार कर्जाको सम्पूर्ण दायित्व बीमा कम्पनीले बहन गरिदिने हुनाले निजका परिवार समेत बैंक प्रतिको आर्थिक दायित्वबाट मुक्त हुनेछन् ।

 

 

 

समाचार

सबै

पुनर्बीमा कम्पनीको चौथो साधारण सभा सम्पन्न

काठमाडौ । वीमा कम्पनीहरुको जोखिम न्यूनिकरणको लागि स्थापना भएको नेपाल पुनर्बीमा कम्पनीको चौथो बार्षिक सधारणसभा गत हालै सम्पन्न भएको छ । शुक्रबार ललितपुरको होटल हिमालयमा सम्पन्न भएको सधारणसभामा गत आर्थिक.....

नेपाल लाईफको नयाँ बीमा योजना, प्रत्येक वर्ष खर्च, अवधी पश्चात पुरै भुक्तानी

बीमा न्यूज/काठमाडौं । जीवन बीमा कम्पनीले नेपाल लाईफ इन्स्योरेन्स कम्पनीले नयाँ बीमा योजना बजारमा ल्याएको छ ।.....

एशियन लाइफको दुई लाख २१ हजार कित्ता हकप्रद लिलाममा

काठमाडौं । एशियन लाईफ इन्स्योरेन्स कम्पनी लिमिटेडले २ लाख २१ हजार कित्ता हकप्रद सेयर लिलाम बिक्रीका लागि.....

प्रभु इन्स्योरेन्समा बीमा गर्दा बि एण्ड सी अस्पतालमा नगदरहित उपचार पाइने

काठमाडौं । निर्जिवन बीमा कम्पनी प्रभु इन्स्योरेन्समा बीमा गरेका सेवाग्राहीहरुले अब पूर्वको चर्चित बी एण्ड सी.....

गण्डकी विकास बैंकबाट अजोड इन्स्योरेन्सबीच सम्झौता

काठमाडौं । ख बर्गको वित्तिय संस्था गण्डकी बिकास बैंक र निर्जिवन बीमा कम्पनी अजोड इन्स्योरेन्सबीच बीमा सेवा.....