Nepal Life Insurance

नेशनल र शिखरले गरे बाढीको  दाबी भुक्तानी

प्रकाशित मिति: ८ आश्विन २०७४, आईतवार १५:१५

Beema News

बीमा न्युज,
असोज ८, काठमाडौ । बाढीका कारण दाबी परेको निर्जीवन बीमा कम्पनीहरुमध्ये नेशनल इन्स्योरेन्स र शिखर इन्स्योरेन्सले भुक्तानी गरेका छन् । बीमा समितिका अनुसार असोज एक गतेसम्म दुई कम्पनीहरुले ३ करोड ५८ लाख रुपैयाँ दाबी भुक्तानी गरेका छन् । कम्पनीहरुले २३ वटा दाबी बापत उक्त रकम भुक्तानी गरेका हुन् ।

समितिका प्राप्त भएको तथ्यांक अनुसार नेशनल इन्स्योरेन्सले मात्रै १९ वटा दाबीको भुक्तानी गरेको छ । जसबापत कम्पनीले ३ करोड ५७ लाख रुपैयाँ भुक्तानी गरेको छ । त्यस्तै अब कम्पनीमा ५६ वटा दाबी बापत २९ करोड ३२ लाख भुक्तानी हुन बाँकी रहेको छ । कम्पनीले अग्नि बीमा अन्र्तगत परेका १८ वटा दाबी बापत ३ करोड ३७ लाख रुपैयाँ भुक्तानी गरेको छ । त्यस्तै, सामुन्द्रिक बीमा अन्र्तगत परेको दाबीमध्ये एक वटा दाबीको भुक्तानी गरेको जसबापत २० लाख रुपैयाँ भुक्तानी भएको छ ।


दाबी भुक्तानी गर्नेमा शिखर इन्स्योरेन्स दोस्रोमा रहेको छ । कम्पनीले ४ वटा दाबी बापत १ लाख ६१ हजार रुपैयाँ भुक्तानी गरेको छ । कम्पनीले मोटर बीमा अन्र्तगत परेको दाबीको भुक्तानी गरेको हो । अब कम्पनीमा ६६ वटा दाबी बाँकी रहेका छन् । जसबापत कम्पनीले १७ करोड १४ लाख भुक्तानी गर्नुपर्नेछ । अन्य कम्पनीहरुको सर्भे प्रतिवेदन आउन बाँकी रहेकाले भुक्तानी हुन नसकेको समितिले जनाएको छ ।

 

कुनै पनि बीमा कम्पनीमा दाबी परेपछि सर्भेयरले क्षतिको मूल्यांकन गर्छ । त्यसपछि मात्रै बास्तविक क्षतिको आंकलन गर्न सकिन्छ । अर्थात् भुक्तानी गर्न निश्चित प्रक्रिया पूरा गर्नुपर्छ । यद्यपी कम्पनीहरुले भने दाबी भुक्तानी गर्न शुरु गरि सकेका छन् । अन्य कम्पनीहरुले पनि भुक्तानी गर्ने तयारी गरेको समितिका निर्देशक राजुरमण पौडेलले बताउनुभयो ।

तराई क्षेत्रमा आएको बाढी कारण निर्जीवन बीमा कम्पनीहरुमा ६६२ वटा दाबी बापत २ अर्ब भन्दा बढी दाबी परेको थियो । त्यस्तै, कम्पनीहरुमा परेको दाबीमध्ये अब ६३९ वटा दाबी बापत करिब १ अर्ब ९९ करोड रुपैयाँ दाबी भुक्तानी हुन बाँकी रहेको छ ।

 

कम्पनीहरुमा सबैभन्दा बढी अग्नि बीमाको दाबी परेको थियो । अग्नि बीमा अन्र्तगत ३०३ वटा बापत १ अर्ब ३१ करोड रुपैयाँ दाबी परेको छ । त्यस्तै, मोटर अन्र्तगत १२९ वटा बापत २ करोड ११ लाख रुपैयाँ दाबी परेको छ । इन्जिनियरिङग् बमिा (निर्माणधीन आयोजना) ११३ वटा बापत ५६ करोड ५१ लाख रुपैयाँ दाबी परेको छ । इन्जिनियरिङग् बीमा (निर्माण सम्पन्न भै सकेको आयोजना) मा ३७ वटा बापत ८ करोड ४४ लाख रुपैयाँ दाबी परेको छ । सामुन्द्रिक बीमा अन्र्तगत ३ वटा बापत ७४ लाख ५० हजार रुपैयाँ दाबी परेको छ । कृषि बीमा अन्र्तगत भने ७७ वटा बापत ३ करोड १८ लाख रुपैयाँ दाबी परेको छ ।

यो पनि पढ्नुहोस्

बाढीको क्षतिको दाबी बढ्दै, सवा दुई अर्ब बराबरको दाबी

बाढीका कारण झन्डै दुई अर्बको क्षति, अझै बढ्न सक्ने अनुमान

बाढी पिडितलाई नेशनल लाईफको सहयोग

सगरमाथा इन्स्योरेन्समा बाढी पीडितका ३२ वटा दाबी भूक्तानी निवेदन

बिपतमा बीमाको भूमिका

 

 

 

समाचार

सबै

महालक्ष्मी लाइफ इन्स्योरेन्सको कारोबार अब सिटिजन्स बैंकबाटै

काठमाडौं । जीवन बीमा कम्पनी महालक्ष्मी लाईफ इन्स्योरेन्स कम्पनीको बीमा सम्बन्धी कारोबार अब सिटिजन्स बैंकमार्फत पनि गर्न सकिने भएको छ । नेपाल राष्ट्र बैंकबाट क बर्गको वित्तिय कारोबार गर्न अनुमति प्राप्त.....

लुक्लाको हवाई दुर्घटना भिडियोमा यस्तो देखियो

काठमाडौं । एक अर्बभन्दा बढि क्षति हुने गरी आज भएको हवाई दुर्घटनाको भिडियो दि हिमालयन न्यूजले सार्वजनिक गरेको छ ।.....

लुक्लामा डरलाग्दो हवाई दुर्घटना, तीनको मृत्यु, अर्बभन्दा बढि क्षति

काठमाडौं । नयाँ वर्षको पहिलो दिन नेपाली आकाशका लागि कालो दिन सावित भयो । विहानै लुक्लामा डरलाग्दो हवाई.....

एभरेष्ट इन्स्योरेन्सले पायो ३००% हकप्रद शेयरको अनुमति

काठमाडौं । निर्जिवन बीमा कम्पनी एभरेष्ट इन्स्योरेन्स कम्पनीले हाल कायम रहेका शेयरमा ३००% हकप्रद शेयर.....

आईएमई जनरलको विद्यार्थी बीमा योजना, अभिभावकसहितको जोखिम वहन

बीमा न्यूज/काठमाडौं । निर्जिवन बीमा कम्पनी आईएमई जनरल इन्स्योरेन्सले बुधबार देखि विद्यार्थी बीमा योजना.....