Nepal Life Insurance

बीमा गर्दा जान्नै पर्ने शब्द

प्रकाशित मिति: १२ आश्विन २०७४, बिहीबार ०९:५३

सागर चन्द

बीमा न्युज,
असोज १२, काठमाडौँ ।
यदि तपाईले बीमा गर्नुभएको छ, वा बीमा गर्ने सोचमा हुनुहुन्छ भने तपाईलाई बीमाका केही प्राविधिक शब्द बुझाईमा कठिनाई भइरहेको हुन सक्छ । अथवा तपाई भविष्यमा बीमा क्षेत्रमा प्रवेश गर्नेबारे सोच्दै हुनुहुन्छ भने तपाईले बीमा क्षेत्रमा प्रयोग हुने सामान्य प्राविधिक शब्दबारे जान्नै पर्ने हुन्छ । बीमा क्षेत्रमा प्रयोग हुने यस्तै केही प्राविधिक शब्दावली हामीले यहाँ प्रस्तुत गरेका छौ ।

बीमक :

बीमा क्षेत्रमा अत्याधिक प्रयोग हुने शब्दमा बीमक पनि एक हो । बीमक शब्दले बीमा गर्ने कम्पनीलाई बुझाउँदछ ।
बीमित :

कुनै पनि प्रकारको बीमा योजना खरिद गर्ने व्यक्ति वा संस्थालाई बीमित भनिन्छ ।
बीमालेख :

बीमा क्षेत्रमा सबैभन्दा धेरै प्रयोग गरिने शब्द हो बीमालेख । बीमालेख भनेको बीमा गर्ने पक्ष बीमीत र बीमा गराउने पक्ष बीमक बीच भएको सम्झौता पत्र हो । अर्थात् बिमा योजना हो ।

बीमांकी :

बीमामा बिमांकीको सबैभन्दा महत्वपूर्ण भूमिका रहन्छ । बिमा गरिने कुनै पनि कुराको दायित्व निर्धारण तथा गणना गर्नको लागि बीमा कम्पनीद्धारा खटाईएको वा नियुक्त गरिएको व्यक्तिलाई बीमाकीं भनिन्छ ।

बीमा अभिकर्ता :

बीमा कम्पनी र बीमित बिच सहजीकरण गर्ने व्यक्ति नै बीमा अभिकर्ता हो । अभिकर्ता बन्नको लागि बीमा समितिबाट अनुमति लिएको हुनुपर्छ ।
सर्भेयर :

सर्भेयर भनेको बीमा गरिएको वस्तुको मुल्याङ्कन गर्न कानूनी रुपमा इजाजत–पत्र प्राप्त व्यक्ति वा संस्था हो । कुनै पनि बस्तुको विमा गर्नुपूर्व वा क्षतिग्रस्त भै सकेपछि त्यसको बास्तविक मूल्य पत्ता लगाउने काम सर्भेयरको हो ।

जोखिम :

आर्थिक नोक्सानी हुन सक्ने अनिश्चित परिस्थिति नै जोखिम हो ।

दुर्घटना :

वाहिरी, आंखाले स्पष्ट देख्न सकिने र सांघातिक तवरबाट हुने आकस्मिक वा अप्रत्यासति घटनालाई बीमा क्षेत्रमा दुर्घटना भन्ने गरिन्छ ।

स्थायी पूर्ण अशक्तता :

बीमितले आफ्नो जीवन निर्वाहका लागि आय वा मुनाफा आर्जन गर्ने कुनै पनि ब्यवसाय वा पेशा गर्न सधैको लागि असमर्थ भएको अवस्था हो । बीमा ऐन २०४९अनुसार दुर्घटना भएको मितिदेखि ३सय ६५ दिनसम्म बीमित स्थायी पूर्ण अशक्त रहेमा उसलाई सदाको लागि स्थायी पूर्ण अशक्त मानिन्छ ।

अस्थायी पूर्ण अशक्तता :

भन्नाले बीमित व्यक्ति आय वा मुनाफा आर्जन गर्ने कुनै पनि व्यवसाय वा पेशा गर्न शारिरीक रुपमा केहि समयको लागि पूर्ण रुपले असमर्थ हुनुलाई अस्थायी पूर्ण अशक्तता भनिन्छ ।

जोखिम समूह :

हुलदंगा, हडताल, नागरिक उपद्रव, द्वेषपूर्ण कार्य, आतंकवाद तथा विध्वंशात्मक कार्य जस्ता क्रियाकलापबाट हुन सक्ने दुर्घटनालाई जोखिम समूह भनिन्छ ।

साप्ताहिक आय :

बीमितले आर्जन गर्ने गरेको मासिक आम्दानीको चार भागको एक भाग नै साप्ताहिक आय हो ।

दलाल :

बीमा व्यवसाय सम्बन्धमा बीमक–बीमक, तथा पुनर्बीमक–बीमकको बिचमा माध्यम वा मध्यस्तकर्ताको रुपमा काम गर्ने इजाजत–पत्र प्राप्त व्यक्ति वा संस्था हो ।

 

स्रोत : बीमा समिति

 

 

 

समाचार

सबै

पुनर्बीमा कम्पनीको चौथो साधारण सभा सम्पन्न

काठमाडौ । वीमा कम्पनीहरुको जोखिम न्यूनिकरणको लागि स्थापना भएको नेपाल पुनर्बीमा कम्पनीको चौथो बार्षिक सधारणसभा गत हालै सम्पन्न भएको छ । शुक्रबार ललितपुरको होटल हिमालयमा सम्पन्न भएको सधारणसभामा गत आर्थिक.....

नेपाल लाईफको नयाँ बीमा योजना, प्रत्येक वर्ष खर्च, अवधी पश्चात पुरै भुक्तानी

बीमा न्यूज/काठमाडौं । जीवन बीमा कम्पनीले नेपाल लाईफ इन्स्योरेन्स कम्पनीले नयाँ बीमा योजना बजारमा ल्याएको छ ।.....

एशियन लाइफको दुई लाख २१ हजार कित्ता हकप्रद लिलाममा

काठमाडौं । एशियन लाईफ इन्स्योरेन्स कम्पनी लिमिटेडले २ लाख २१ हजार कित्ता हकप्रद सेयर लिलाम बिक्रीका लागि.....

प्रभु इन्स्योरेन्समा बीमा गर्दा बि एण्ड सी अस्पतालमा नगदरहित उपचार पाइने

काठमाडौं । निर्जिवन बीमा कम्पनी प्रभु इन्स्योरेन्समा बीमा गरेका सेवाग्राहीहरुले अब पूर्वको चर्चित बी एण्ड सी.....

गण्डकी विकास बैंकबाट अजोड इन्स्योरेन्सबीच सम्झौता

काठमाडौं । ख बर्गको वित्तिय संस्था गण्डकी बिकास बैंक र निर्जिवन बीमा कम्पनी अजोड इन्स्योरेन्सबीच बीमा सेवा.....