Nepal Life Insurance

तत्काल बीमा संस्थानलाई कारवाही नहुने, लेखापरिक्षण गर्न थाले संस्थान र कम्पनीले

प्रकाशित मिति: १९ आश्विन २०७४, बिहीबार १०:१५

Beema News

बीमा न्युज,
काठमाडौ । महालेखापरीक्षकको कार्यलयले राष्ट्रिय बीमा संस्थानलाई तत्काल कारवाही नगर्ने भएको छ । कार्यलयले संस्थानले भदौ अन्तिमसम्म हालसम्मको वित्तिय विवरणको लेखापरिक्षण नगरे कारवाही गरिने बताए पनि अहिलेलाई भने कुनै पनि कारवाहीको प्रक्रिया अगाडी नबढाईएको जनाएको छ ।

राष्ट्रिय बीमा संस्थानले विगत एक दशक देखि वित्तिय विवरण बीमा समितिमा बुझाएको छैन । समितिले ताकेता गर्दा पनि संस्थानले लामो समय देखि विवरण बुझाएको थिएन । यसै क्रममा माहालेखा परिक्षकको कार्यलयले संस्थानलाई भदौ अन्तिममसम्मा लेखा परिक्षण गरिसक्न चेतावनी दिएको थियो । तोकिएको समयमा लेखा परिक्षण नगरे कारवाही गरिने समेत बताएको थियो । संस्थानले कार्यलयले दिएको अवधि भित्रमा सम्पूर्ण लेखा परिक्षण नगरे पनि लेखापरिक्षण गर्ने कार्यलाई भने तिव्रता दिएको छ । त्यसैले कारवाही गरि हाल्नु पर्ने अवस्था नरहेको कार्यलयका नायव महालेखा परिक्षक रामु प्रसाद डोटेलले बताउनुभयो । “काम गरि रहेको छ भने कारवाही नै किन गरिहाल्ने ?,” उहाँले भन्नुभयो ।

 

 

माहालेखापरीक्षकको कार्यलयका अनुसार संस्थानले आव २०६६\६७ देखि २०६८\६९ सम्मको वित्तिय विवरण प्रमाणित गरिसकेको छ । तर, प्रारम्भिक प्रतिवेदनको जवाफ भने आउन बाँकी रहेको बताइएको छ । त्यस्तै, त्यसपछिका आव देखि आव २०७१\७२ सम्मको लेखापरिक्षण गर्न लेखापरिक्षक नियुक्ति भै सकेको समेत बताएको छ । आव २०७२\७३ को वित्तीय विवरण तयारीको क्रममा रहेको कार्यलयले जनाएको छ ।

त्यस्तै, विगत लामो समय देखि वित्तिय विवरण नबुझाएको राष्ट्रिय बीमा कम्पनीले पनि आव २०६६\६७ देखि ३०६८\६९ सम्मको विवरण प्रमाणित गरेको तर प्रारम्भिक प्रतिवेदनको जवाफ दिन बाँकी रहेको कार्यलयले जनाएको छ । साथै आव २०६९\७० पछिको लेखापरिक्षण गर्न लेखापरिक्षक नियूक्ति भई यथाशिघ्र लेखापरिक्षण सक्ने कार्ययोजना तयार गरेको जनाएको छ ।

समितिको निर्देशन अनुसार वीमकहरुले बीमाङ्कीय मूल्याङकन गर्नको लागि आर्थिक बर्ष समाप्त भएको दुई महिना भित्र नै समितिसँग स्वीकृति लिनुपर्नेछ । त्यस्तै, आर्थिक वर्ष समाप्त भएको चार महिना भित्रमा लेखापरिक्षण सहितको विवरण बुझाउनु पर्नेछ । छ महिना भित्रमा बार्षिक साधारण सभा गरि सक्नु पर्नेछ ।

 

 

 

समाचार

सबै

पुनर्बीमा कम्पनीको चौथो साधारण सभा सम्पन्न

काठमाडौ । वीमा कम्पनीहरुको जोखिम न्यूनिकरणको लागि स्थापना भएको नेपाल पुनर्बीमा कम्पनीको चौथो बार्षिक सधारणसभा गत हालै सम्पन्न भएको छ । शुक्रबार ललितपुरको होटल हिमालयमा सम्पन्न भएको सधारणसभामा गत आर्थिक.....

नेपाल लाईफको नयाँ बीमा योजना, प्रत्येक वर्ष खर्च, अवधी पश्चात पुरै भुक्तानी

बीमा न्यूज/काठमाडौं । जीवन बीमा कम्पनीले नेपाल लाईफ इन्स्योरेन्स कम्पनीले नयाँ बीमा योजना बजारमा ल्याएको छ ।.....

एशियन लाइफको दुई लाख २१ हजार कित्ता हकप्रद लिलाममा

काठमाडौं । एशियन लाईफ इन्स्योरेन्स कम्पनी लिमिटेडले २ लाख २१ हजार कित्ता हकप्रद सेयर लिलाम बिक्रीका लागि.....

प्रभु इन्स्योरेन्समा बीमा गर्दा बि एण्ड सी अस्पतालमा नगदरहित उपचार पाइने

काठमाडौं । निर्जिवन बीमा कम्पनी प्रभु इन्स्योरेन्समा बीमा गरेका सेवाग्राहीहरुले अब पूर्वको चर्चित बी एण्ड सी.....

गण्डकी विकास बैंकबाट अजोड इन्स्योरेन्सबीच सम्झौता

काठमाडौं । ख बर्गको वित्तिय संस्था गण्डकी बिकास बैंक र निर्जिवन बीमा कम्पनी अजोड इन्स्योरेन्सबीच बीमा सेवा.....